"كنت خايفة وفكرت اعتذر" .. داليا البحيري عن استعداداتها لمسرحية "سيدتي أنا"

كتب- مروان الطيب:

كشفت الفنانة داليا البحيري عن استعداداتها وتحضيراتها لعرضها المسرحي المرتقب "سيدتي أنا" والتي أعلنت عن بدء أولى عروضها المسرحية يوم الخميس الموافق 25 مايو الجاري وذلك عبر حسابها الرسمي على "انستجرام".

وقامت "داليا" بنشر صورة من كواليس المسرحية وعلقت عليها قائلة: "أنا لما بدأت بروفات مسرحية سيدتي أنا من 8 شهور كنت عايزة أعمل تجربة مسرح مختلفة فيها رقص وغنا وتمثيل وفيها تمرين لأدواتي كممثلة وبعد شوية ولما الشغل ابتدى يبان خوفت، خوفت أوي وحسيت إني مش هأقدر على المجهود ده وبقيت أقوم من النوم خايفة ومخضوضة هأعمل إيه، يمكن مش ها أقدر طب أعتذر بس دعيت ربنا يقويني ويكون جنبي، لسه مرعوبة من فكرة بذل المجهود البدني والذهني ده كل يوم بس بقول ربنا مش بيضيع تعب حد أبداً".

كما وجهت الشكر لمخرج مسرحيتها قائلة "شكراً يا محسن يا رزق أنا بس عايزة أقولك أنك مش واخد حقك على كل المستويات أنت مخرج معجون موهبة مش بس مخرج متمكن جداً من أدواتك المسرحية كلها من ديكور لمزيكا لاستعراضات لإضاءة لصوت لإيقاع لإحساس لإدارة ممثل، لا أنت كمان ممثل شاطر قوي وحساس جداً وعندك ضمير في كل حاجة بتعملها ميزانك من ألماظ فاهم يعني إيه إيقاع وتمبو وباور وإحساس وأهم حاجة إن نمرة واحد عندك هو الجمهور".

وتابعت "واحترامك ليهم طول الوقت هو هدفك الأوحد، أنا حقيقي بتعلم منك كل يوم، شكراً على تعبك معانا كلنا وعلى صبرك عليا وإنسانيتك مع كل الناس من الصغير للكبير، أخي وصديقي محسن رزق أنت في حته تانية".

وانهت تعليقها قائلة: "الصورة دي من كواليس تصوير الأفيش أستاذ محسن رزق بيدينا أداء حتى في صور الأفيش".

يذكر أن أخر مشاركات داليا البحيري الفنية كانت بمسرحية "أبو العربي في ميشين إيمبوسيبل" بطولة النجم هاني رمزي والتي تم عرضها بشهر مايو لعام 2021.