نيللي كريم تدافع عن أحمد مالك وترفض هجوم الفنانين عليه

كتب - محمد صالح:

دافعت الفنانة نيللي كريم عن الفنان الشاب أحمد مالك، بعد الواقعة المعروفة إعلاميا باسم "الأوقية الذكرية".

ونشرت الفنانة الشهيرة صورة تجمعها بالممثل الشاب من فيلم "اشتباك" الذي سيتم عرضه قريباً.

وقالت نيللي: "معلش أنا اتاخرت على كلامي عن أحمد مالك اللي بعتبره زي ابني.. دي صورة من فيلم (اشتباك) اللي قعدنا نصور فيه شهور، وكلنا مع بعض في عربية ترحيلات، وشرط الفيلم ده إنه كان لازم نكون مع بعض طول الوقت".

وأضافت: "سيبك إن أحمد فنان موهوب وليه مستقبل كبير عشان هو فنان حساس وصادق، أهم شيء إن هو إنسان حقيقي يعني صادق بيعمل اللي بيحسه، أحمد غلط واعتذر، طيب أنتم مفيش حد فيكم غلط قبل كده.. مفيش حد من عياله وإخواتك أو أصحابك غلط قبل كده، كلكم فجأة بقيتوا ربنا.. ما تفكر دقيقة قبل ما تحاكم حد.. اقعد مع نفسك واستغفر ربنا قبل ما تكتب كلمة عن حد ما تعرفوش.. بجد يا ساتر عليكم يا ناس".

واستطردت قائلة: "أحمد أنا سعيدة اني اشتغلت معاك، وانت عامل دور جامد في فيلمك الجديد (اشتباك)، وإن شاء الله نشتغل مع بعض تاني وخامس".

ويأتي رد فعل الفنانة نيللي كريم مخالفاً للعديد من زملائها الفنانين الذين هاجموا مالك كثيراً، ومن بينهم تامر عبد المنعم، طلعت زكريا، حسن يوسف، ووفاء عامر.