عمرو واكد :"مش هسيب مصر"..وأحد معجبيه يرد: "اديني الفلوس اللي بتاخدها"

كتبت – سحر عزام :
وجه الفنان عمرو واكد رسالة لمن يهاجمون الفنانين بدعوى عدم بذلهم لمجهود أثناء عملهم، مشيرًا لتصويره مشهد في البحر الساعة ستة ونصف صباحًا في فرنسا في درجة حرارة وصلت لـ 5 درجات مئوية.

وكتب واكد عبر صفحته على موقع التواصل الاجتماعي فيسبوك اليوم الأربعاء :" مش عايز أسمع حد بيقول بناكلها بالساهل. أنا لسه النهاردة مصور مشهد نزلت فيه البحر بهدومي الساعة ٦:٣٠ صباحاً في فرنسا ودرجة الحرارة كانت ٥ درجات مئوية. وكل ده عشان تقعدوا في الدفا وتتفرجوا وتستمتعوا. وإن شاء الله هتستمتعوا جداً".

وقد لاقت كلمات عمرو واكد استياء بعض معجبيه عبر صفحته حيث كتب محمد حامد فودة :" يا عم نزلني الميه من غير هدوم و ادينى الفلوس اللى بتاخدها و خدني أعيش معاك بره الحمد لله على كل شئ يا عمنا" فرد واكد قائلا :" أنا مش عايش برة، أنا عايش في مصر، بسافر أصور ودايماً أرجع مصر، وهفضل كده، مش ماشي خالص، مهما حصل".