محمد إمام مدافعاً عن "الفيشاوي": "سيبوه يعيش حياته زي ما هو عاوز"

كتب - محمد مجدي:

دافع النجم محمد إمام عن الفنان أحمد الفيشاوى الذى أثار جدلاً كبيراً خلال مهرجان الجونة السينمائي يوم الجمعة الماضي؛ حيث تلفظ بلفظ اعتبره البعض "خارجاً" لدى وصفه للشاشة التي عرض عليها الفيلم.

وتعرض نجم "الشيخ جاكسون" للعديد من الانتقادات التي وصلت إلى وصفه بـ"قليل الأدب" من قبل الإعلاميين عمرو أديب وأسامة منير.

وحرص الفنان محمد عادل إمام على الدفاع عن "الفيشاوي" عبر صفحته الشخصية بموقع "انستجرام".

ونشر "إمام" صورة للفيشاوي وكتب عليها: "أنا بحب أحمد الفيشاوي، مشكلة أحمد إنه عايش بدماغ غربي في مجتمع شرقي متحفظ جداً، بيغلطوا آه بس مايحبوش اللي بيحبوهم يغلطوا، أنا عشت مع "أحمد" أيام في بيت الأستاذ فاروق الفيشاوي ومدام سمية الالفي، وما شفتش منهم غير كل حب، الأستاذ فاروق من ألطف الشخصيات اللي ممكن تشوفها في حياتك، ومدام سمية من أجمل الأمهات، ده غير إن أول مسلسل ليا في حياتي كان مع الاتنين دول".

وتابع إمام: "أحمد الفيشاوي من أقوى الممثلين اللي في مصر، سيبوه يعيش حياته زي ما هو عاوز، وانتوا عيشوا حياتكم زي مانتوا عاوزين".

واختتم بطل "جحيم في الهند" دفاعه عن الفيشاوى: "البوست ده مش دفاعاً عن أحمد، هو فعلاً غلط واعتذر، بس كان في كلمتين لازم اقولهم بحق العيش والملح والعِشرة اللي بينا".