وثيقة نادرة.. أول أجر تقاضاه عبد الحليم عن "الوسادة الخالية"

كتب - بهاء حجازي:

نشر المنتج هشام سليمان رئيس شبكة قنوات "دي إم سي" على حسابه الشخصي بـ "فيسبوك"، صورة إيصال استلام نقدية مُوقع عليه من الفنان عبد الحليم حافظ، عن أول دفعة من أجره على فيلم "الوسادة الخالية"، وكان المبلغ يُقدر بألف جنيه مصري.

وكتب هشام سليمان تعليقًا على الصورة: "الحمدلله الحمدلله الحمدلله، تحفة جديدة تتضم لمتحف السينما (صدق أو لا تصدق)، العظيم رمسيس نجيب والرهيب عبد الحليم حافظ، ونهارك سعيد ويومكم بيضحك".

وعلقت الفنانة نشوى مصطفى على الصورة التي نشرها سليمان قائلةً: "تحفة بجد، والحقيقة أنا كده محرجة منك، واضطر أجيب لك تحفة من حاجاتي اللي بعتز بيها واللي متحف اللوڤر في فرنسا والمتحف المصري كانوا بيتخانقوا مع بعض علشان ياخدوها مني، بس بصراحة أنا غيرت من حليم".

واستكملت: "هبعت لك الإقرار الضريبي الأخير بتاعي، يلا مش خسارة في متحفك، من فضلك أفرح بس بالراحة عشان الفرحة الزيادة بتعمل ارتفاع في الكوليسترول".

"متحف السينما" فكرة المنتج هشام سليمان، يضم تحفًا وأنتيكات ظهرت في روائع السينما المصرية، بينها هواتف قديمة، وجرامافونات، وغيرها.​