بهاء الدين محمد عن عمرو دياب: "مش محتاجين بعض نهائي"

كتب - بهاء حجازي:

نشر الشاعر الكبير بهاء الدين محمد، عبر حسابه الشخصي بموقع "فيسبوك"، منشور يتحدث به عن الفنان عمرو دياب.

وكتب بهاء الين محمد: "أولا: بعد أحداث هذا اليوم، واللي عايز يتابعها في البوست اللي قبل ده لمجرد اعتراضي على الطريقة والأسلوب اللي اتكلم بيه عن أغنية ناجحة خلاص، واكتشافنا للهجمات المنظمة المدفوعة طبعا ومقصودة من الشتائم وقلة الأدب اللي مستحيل تطلع من جماهير عمرو دياب أقول: قراري اللي خدته لا رجعة فيه".

وتابع: "ثانيا: عمرودياب موجود من غيري لأن له تاريخ واسمه ومكانته، وأنا الحمد لله ليا تاريخي مع كل حد غنالي وبنجح الحمد لله نجاحات واضحة وملموسة يعني مش محتاجين بعض نهائي".

وأضاف: "ثالثا: لو هما دول جماهيره يبقى أنا لغيت من تاريخي أي أغنية كتبتهاله ولن تجدوا بوست في يوم من الأيام مضمونه ولو سطر من أعمالي معاه، وأشكر كل إنسان وإنسانة اتكلموا عني ولو حرف بحب واحترام، شكرا وانتظروا العديد من الأعمال اللي إن شاء الله تحبوها زي الحقيقة وغيرها".

يُذكر أن الفنان عمرو دياب أثناء حفله في جامعة مصر الدولية، طلب منه جمهوره غناء أغنية "قال فاكرينك" ورفض عمرو دياب الأغنية، قائلا: " مش هغنيها، لو عاوز أغنيها كنت نزلتها في الألبوم".