تعرف على رسائل منة فضالي لأبطال فيلمها "زنزانة 7"

كتب - مروان الطيب:

تواصل الفنانة منة فضالي الترويج لفيلمها "زنزانة 7" بنشرها عدد من الصور الخاصة بكواليس الفيلم عبر حسابها الرسمي على "انستجرام" بمنطقة سهل حشيش، والتي أظهرت خلالها نخبة من نجوم السينما والعربية، منهم أحمد زاهر، أحمد التهامي، مدحت تيخا، نضال الشافعي، مايا نصري، والمخرج إبرام نشأت.

وحرصت "منة" على تقديم كلمة لكلاً من فريق عمل فيلمها وعلقت قائلة "الحمد لله فيلم زنزانة 7 كله حب وصداقة بجد بينا، أولاً مايا نصري، حتكلم عنها لأني أول مرة اقابلها شخصية محترمة جداً بجد حساسة مثقفة، وأم تجنن سعيدة إني عرفتك بجد وليا صديقة زيك افتخر بيها بحبك بجد.. أحمد زاهر طبعاً شهادتي فيك مجروحه لأني اعرفك من قبل ما أمثل طول عمرك جدع وراجل ومحترم ومتغيرتش زي ما ناس كتير اتغيرت فنان بجد ومجتهد ونضيف قلبك أبيض".

وتابعت "منة" بالقول: "نضال الشافعي طبعًا انت محترم دي كلمه قليله عليك لأنك محترم في كل حاجه حتي كلامك راقي اشتغلت معاك مش كتير بس كفايه أقولك إني فعلاً سعيدة وأنا بشتغل معاك لأنك فنان وبتحب شغلك اكتر من أي حاجه راجل في أي موقف ربنا يحميك وتوصل للي بتتمناه لأنك تستحق اكتر من كده بكتير".

وعن إيهاب فهمي قالت "منة": "إيهاب فهمي عشره العمر و صاحبي اشتغلنا كتير اوي مع بعض وكل مره بشكل مختلف مبتسبش حق حد وكفاية انك لسه زي ما انت بوبوس العسل أخويا اللي بحبه وبحترمه ربنا يحميك ويسعدك وتحقق كل حاجه نفسك فيها وتفرح بأحمد.. أما عبير صبري فإنتي بقي موضوع تاني بحبك كده زي ما انتي أحيانا بتغاظ منك لأنك طيبة بزيادة بس دي أحلى حاجه فيكي ربنا يسعدك في حياتك وأنتي نجمة وفنانة بجد".

وعن مخرج الفيلم إبرام نشأت؛ قالت "منة": "أول مره اشتغل معاك بس انت قريب للقلب ومخرج شاطر جدًا وليك فكر مختلف وكمان محترم اكتسبت صديق ليا مش مخرج وبس"، واختتمت تعليقاتها بالقول "في الآخر أحب أقول إني فخورة بالتجربة دي جدًا لأني وسط أهلي وأصحابي".