بالصور- دعاء فاروق تكشف مرورها بوعكة صحية قبل حضورها حفل "الشرنوبي"

القاهرة- مصراوي:

شاركت المذيعة دعاء فاروق، متابعي حسابها الرسمي على موقع "انستجرام"، بصور جمعتها بابنتها وقريبة لها، ومجموعة من صديقات ابنتها، أثناء حضورهن حفل الفنان محمد الشرنوبي، الذي أقيم مساء أمس في منطقة التجمع الخامس.

وكتبت دعاء تعليقًا على الصور "امبارح الصبح جالي تعب فجأة عمره ما حصل، صداع نصفي عجيب ضرب الجزء اليمين من راسي وقفل عيني واحساس بالقيء كان هيخليني أقع من طولي، في الأحوال العادية الحالة دي كفيلة بأنها تقفلي الأسبوع بالكامل لازم اكشف واعمل فحوصات عشان أفهم فيه ايه واخد الدوا المناسب".

وتابعت "طبعا ده مبيحصلش رحت خدت حقنتين من الأخر عشان أنجز واخف؛ لاني كنت واعدة بنتي اني اوديها حفلة شرنوبي. خدت الحقنتين، الاحساس بالقيء اختفى فورا لكن فضل الصداع على خفيف موجود برغم قوة الحقنة، وبالذات اني مش متعودة اخدها اصلا غير كل كام سنة مرة للشديد القوي".

وأضافت دعاء موجهة سؤال لمتابعيها "أصحاب الخبرة في الصداع النصفي دكاترة أو صيادلة أو مرضى، هو بيعمل كده اصلا؟؟ وهو بييجي على طول؟؟ ولا كل فترة.. وحله ايه بقى غير المسكنات؟؟ غير كده المهم أن انا اتبسطت امبارح مع روكي وديدو واصحابهم وريم بنت خالي".