شريف منير عن عملية سيناء: "اللي فات حمادة واللي جاي حمادة تاني خالص"

كتبت- سما جابر:

علّق الفنان شريف منير على العملية الشاملة التي نفذتها القوات المسلحة صباح اليوم الجمعة في سيناء، وشارك عبر صفحته على موقع التواصل الاجتماعي "فيسبوك"، بيان المتحدث العسكري بشأن العملية.

وكتب منير رسالة طويلة تعليقًا على الفيديو، ووجهها للمصريين، حيث قال: "الشغل بدأ.. إللي فات حمادة وإللي جاي حمادة تاني خالص، اقفوا جنب جيش مصر.. بالدعاء بالنصر.. بالتوسل لربنا يحفظ ولادنا وإخواتنا يرجعوا سالمين غانمين بإذن الله".

وأضاف: "لازم الأيام الجاية يبقى في جدية في كل خطوة بنخطيها.. إللي ضميره نايم يصحى.. وإللي مكسّـل ينشط.. وإللي يسمع صوت فيه إحباط وقتل للعزيمة.. يا يفوق يا يخرس وما يتسمعش حـسّه.. وإللي بيشوف محطات الخونة إللي بيهاجموا مصر من بلاد هما خدّامين وعبيد ليها يقفلها وما يسمعلهومش".

وتابع: "ولازم يبقوا عارفين إن كلامهم مالوش أى تأثير.. كلام فارغ.. هوا.. وهما جايين جايين، وبقولهم.. إن غداً لناظره قريب فوق ما تتخيلوا.. ناموا واحلموا بكابوس اليوم إللي هتيجوا فيه للبلد إللي أهنتوها وأهنتوا جيشها وشعبها الوطني المحترم.. وتحيا مصر ويحيا جيشها وشعبها".