أسما شريف منير تعلن انفصالها عن الفنان محمود حجازي: "الحسد مذكور في القراَن"

كتب-محمد مجدي:

حسمت خبيرة التجميل أسما شريف منير الجدل حول علاقتها بالفنان محمود حجازي، وأعلنت خبر انفصالها عنه، مؤكدة أنها تحترمه وتقدره، وذلك عبر صفحتها الشخصية بموقع التواصل الاجتماعي "فيسبوك".

وكتبت أسما على صفحتها: "طيب الموضوع اتقال فيه كلام كتير، وأنا بعترف إني سبب اللخبطة دي، الرجالة مبتعملش الحاجات اللي إحنا كستات بنعملها، اللي هو أزعل انزل post ألقح بيه عليه قال يعني مش ليه، وكل الرجالة بتكره الحركة دي، وأنا بس دلوقتبعترف إنهم عندهم حق، غير بقى إني بنسي موضوع الأخبار ده فالتلقيح أو كلام الزعل بالنسبة لي بينتشر وكل حد بيقول رأيه بكل قسوة".

وقالت خبيرة التجميل، في تدوينة لها: "الموضوع فعلاً في الآخر اتنين حبوا بعض وارتبطبوا قدام الناس كلها، ومشينا في مشوار خطوبتنا زي اأي اتنين، كبرنا مع بعض وبِيننا حاجات كتير حلوة وبرضه زي اَي اتنين حصل بينهم مشاكل، وطبعاً إنتوا عارفين التسرع الله يخرب بيته فلما كان في عدم اتفاق من فتره نزلت post ومسحته علطول عشان كان وقت عصبيه".

وأضافت: "كان لسه في أمل بس من ساعتها، وفي توتر الناس قالت كلام كتير وحش وكملنا واكتشفنا أنه في عدم اتفاق مش عشان إن حد وحش ولا موقف ولا حاجة، لحد ما أخدنا القرار بس مكناش اتفقنا على إعلان ده امتى فأنا نزلت وأعلنت ده بس في توقيت غلط مني بكل صراحة أنا لازم أكون أمينة في ده".

وأوضحت: "عموماً هو محصلش نصيب بس إحنا بنحترم بعض حجازي إنسان محترم جداً، واتمنى له السعادة والنجاح إحنا بِينَا عشرة طيبة ونجاحات وحب وأكيد خير لينا، هو ده الموضوع بكل بساطة".

واختتمت:" ممكن بقي منتكلمش فيه تاني لو سمحتوا، أنا اتعلمت درس كبير أن الخصوصيات مش للنشر والحسد برضه مذكور في القرآن لسبب، الحمد لله بس كده وشكرا".