بالصور.. اسما شريف منير تحتفل بعيد ميلادها وسط اصدقائها

كتب- علي المناوي

احتفلت خبيرة التجميل أسما شريف منير، نجلة الفنان الكبير شريف مُنير بعيد ميلادها وسط من اصدقائها، وذلك عقب نشرها صورًا تجمعها بعدد منهم، عبر حسابها بموقع الصور والفيديوهات انستجرام.

من جانب آخر يُشار الى أسما قد أعلنت مؤخرا خبر انفصالها عن خطيبها الممثل محمود حجازي ، بعد فترة قصيرة من خطبتهما .

وكشف أسما لجمهورها عن خبر انفصالها في رسالة مطولة علي حسابها الشخصي بالفيس بوك ، وكتبت قائلة :"طيب الموضوع اتقال فيه كلام كتير، وأنا بعترف إني سبب اللخبطة دي، الرجالة مبتعملش الحاجات اللي إحنا كستات بنعملها، اللي هو أزعل انزل post ألقح بيه عليه قال يعني مش ليه، وكل الرجالة بتكره الحركة دي، وأنا بس دلوقت بعترف إنهم عندهم حق، غير بقى إني بنسي موضوع الأخبار ده فالتلقيح أو كلام الزعل بالنسبة لي بينتشر وكل حد بيقول رأيه بكل قسوة".

وقالت خبيرة التجميل، في تدوينة لها: "الموضوع فعلاً في الآخر اتنين حبوا بعض وارتبطبوا قدام الناس كلها، ومشينا في مشوار خطوبتنا زي اأي اتنين، كبرنا مع بعض وبِيننا حاجات كتير حلوة وبرضه زي اَي اتنين حصل بينهم مشاكل، وطبعاً إنتوا عارفين التسرع الله يخرب بيته فلما كان في عدم اتفاق من فتره نزلت post ومسحته علطول عشان كان وقت عصبيه".

وأضافت: "كان لسه في أمل بس من ساعتها، وفي توتر الناس قالت كلام كتير وحش وكملنا واكتشفنا أنه في عدم اتفاق مش عشان إن حد وحش ولا موقف ولا حاجة، لحد ما أخدنا القرار بس مكناش اتفقنا على إعلان ده امتى فأنا نزلت وأعلنت ده بس في توقيت غلط مني بكل صراحة أنا لازم أكون أمينة في ده".

وأوضحت: "عموماً هو محصلش نصيب بس إحنا بنحترم بعض حجازي إنسان محترم جداً، واتمنى له السعادة والنجاح إحنا بِينَا عشرة طيبة ونجاحات وحب وأكيد خير لينا، هو ده الموضوع بكل بساطة".

واختتمت:" ممكن بقي منتكلمش فيه تاني لو سمحتوا، أنا اتعلمت درس كبير أن الخصوصيات مش للنشر والحسد برضه مذكور في القرآن لسبب، الحمد لله بس كده وشكرا".