زوجة أحمد عبد الله محمود تكشف عن 4 أسباب وراء دخوله المستشفى - صور

كتبت - منى الموجي:
حرصت الفنانة سارة نخلة على طمأنة أصدقائها، ومتابعي حساب زوجها الفنان الشاب أحمد عبدالله محمود، على موقع "فيسبوك"، على صحة زوجها، وذلك بعدما نشرت أن سيارة الإسعاف نقلته إلى المستشفى بعد تعرضه لأزمة صحية.

وكتبت سارة في منشور جديد "احنا في البيت يا جماعة خرجنا من المستشفى من شوية، أحمد عنده ستريس فظيع، بالإضافة أن وفاة صاحبه روبير ربنا يرحمه مأثر عليه جداً، وبقاله 3 أيام أصلًا مش بينام ساعة على بعضها ونسي نفسه وجه على نفسه كتير عشان الشغل، وللأسف أحمد بيدخن ودا خطر جداً عليه وبقاله يومين بيشرب سجاير كتير".

وتابعت "إن شاء الله وبإذنه تعالى بعد اليوم أخذ قرار يبطل سجاير؛ لأن الأزمة الحمدلله عدت على خير وربنا لطف بينا.. وهو قرر لو ربنا نجاه خلاص هو هيبطل.. المهم هو نايم دلوقتي حبيت أطمن صحابه وكل حد اتصل بينا.. أنا كنت لوحدي أنا ومساعد أحمد في المستشفى عشان كدا كتبت البوست ومتلخبطة ومش عارفة أعمل حاجة".

وأضافت "ربنا سترها عملنا تخطيط القلب وضغط وعلقوله محاليل لحد ما راحت الرعشة منه واتطمنا إن قلبه بقا سليم وهو نايم دلوقتي يارب ما تشوفوش حاجة وحشة".

جدير بالذكر أن أحمد عبدالله محمود يشارك في السباق الرمضاني بمسلسل "عوالم خفية" أمام "الزعيم" عادل إمام، ومسلسل "طايع" مع الفنان عمرو يوسف.