هالة صدقي تدافع عن الفنانين المسافرين لروسيا وتؤكد سفرهم على حساب شركة الاتصالات

كتبت- سما جابر:

دافعت الفنانة هالة صدقي عن زملائها الفنانين الذين سافروا أمس لدعم المنتخب المصري، ومنهم الفنانة فيفي عبده ونقيب الممثلين أشرف زكي والإعلامية بوسي شلبي.

وكتبت هالة عبر حسابها الشخصي على موقع فيسبوك: "يا رب قلوب كل المصريين معاكم، وبالنسبة للهري من البعض على سفر بعض الزملاء الفنانين، أحب اقول لكم مفيش حاجة ببلاش".

وأضافت: "وإذا شركه we متولية مسئولية السفر للبعض فدة مقابل إنهم هيعملوا دعايه لـwe والمفروض هيلبسوا تيشيرتات عليها شعار we، يعني أي فنان منهم بيتدفع له كتير في مقابل الدعاية دي، يعني لو حسبناها ماديًا هيكونوا خسرانين جدًا جدًا وخصوصًا إن الرحلة مزعجة جدًا".

وتابعت: "الرحلة يومين فقط وتذكرة روسيا دي أرخص تذكرة مقابل بلاد كتيرة، لكن حبهم لمصر ولوجودهم جانب منتخبهم هو ده الإغراء الحقيقي، فأكيد الفنانين دول مش ناقصهم أي سفريات، وشركة زي we مش عبيطة وبتترمي فلوسها، مفيش حاجة ببلاش يا سادة.. قولت الحقكم قبل ما تكملوا هري".