هيدي كرم تنتقد إزالة ترام مصر الجديدة: "تاريخ جميل راح واتدمر"

كتبت- سما جابر:

نشرت الفنانة هيدي كرم عبر حسابها على موقع انستجرام، صورة لأثار إزالة مترو مصر الجديدة، منتقدة ما يحدث.

وعلقت على الصورة قائلة: "العالم كله بيحافظ على خطوط الترام اللي بقالها عشرات وعشرات من السنين لأنها جزء مهم من التراث ولأنها كمان وسيلة مواصلات سهلة ورخيصة و بسيطة بتخدم سكان المناطق جوا مناطقهم واللي ماعندوش ترام بيعمل ترام علشان يعمل روح للبلد زي دبي اللي بتعمل دلوقتي خطوط مترو تخدم الناس جوه المناطق".

وأضافت: "أرجو إعادة النظر في الخطوة دي.. ممكن نوسع الشوارع بتصغير الأرصفة لكن على الأقل في المرحلة الحالية نحافظ على القضبان.. حتى لو ما فيش ميزانية لتجديده في الوقت الحالي، على الأقل نحافظ على مساراته لتجديده في المستقبل.. صوره بجد محزنة، المترو ده عمره من عمر إنشاء مصر الجديدة.. شهد على أحداث كتير.. تاريخ جميل.. راح واتدمر".