بالفيديو- هيفاء وهبي تعلّق على واقعة تحرش التجمع في "الحكاية"

القاهرة- مصراوي:

علقت الفنانة اللبنانية هيفاء وهبي على واقعة تحرش التجمع الشهيرة، والتي قامت بطلتها بتصوير فيديو للشخص الذي اتهمته بالتحرش بها، ونشرته عبر "سوشيال ميديا" تحت "هاشتاج- امسك متحرش".

وقالت هيفاء خلال استضافتها في حلقة أمس السبت، ببرنامج "الحكاية"، الذي يقدمه الإعلامي عمرو أديب على قناة MBC مصر "لما نيجي نصور ياريت بنصور النموذج الصح لا بنصور الغلط، سمعت مؤخرًا عن نموذج مش من حقها ولا من حقه اللي حصل"، قاصدة واقعة التجمع.

وتابعت "مش من حقه يعتدي على خصوصيتها واقفة في الشارع هي حرة مش عايزة حد يجي يعزمها على حاجة، وهي مش من حقها تحاسبه حالا على حاجة عملها، ممكن يكون مش المقصود منها إلا وجه حضاري للوقفة، بمعنى ممكن يكون صاحبتي واقفة لحالها في الشارع واحد يقولها ممكن أوصلك هتقوله لا شكرا لو مشي تمام، بعد كده لو تمادى في طلبه تصوره وتفضحه عشان يكون عبرة".