محمد إمام: أحمد السعدني أنقذني في "ليلة هنا وسرور"

كتب - بهاء حجازي:

نشر الفنان محمد إمام عبر حسابه الشخصي بموقع إنستجرام صورة له مع الفنان أحمد صلاح السعدني، من فرح محمد إمام يحكي بها عن موقف له مع السعدني في فيلم "ليلة هنا وسرور".

وكتب إمام "في فيلم (ليلة هنا وسرور) كان المفروض في نجم كبير هيقوم بدور ابن عمي (سلطان)، النجم ده أعتذر في آخر وقت لظروف خاصة بيه و المشهد كان فعلاً صعب وكان بقٰالنا كتير بنستعد ليه مع فريق الأكشن اللي جاي من بره.. ده غير إن الديكور كان مبني وكانت هتبقى خسارة جامدة للمنتج لو كنا أجلنا تصوير المشهد".

وأضاف إمام بقوله: "المهم كلمت أحمد السعدني وكان لسه خارج اليوم اللي قبلها من المستشفى لأسباب صحية وقولتله عندي مشكلة ومحتاجك نص ساعة ولقيته داخل عليا في التصوير.. قعد يتمرن يوم بحاله وهو عيان على مشهد الأكشن اللي هيصوره وتاني يوم قعد حوالي ٢٠ ساعة يصور في المشهد بدون أي مقابل، السعدني أكبر مثال على (الأخ الجدع)، ربنا يخليك ليا يا أخويا يا حبيبي".

يُذكر أن فيلم ليلة وهنا وسرور عُرض في سباق موسم عيد الفطر الماضي، وحقق إيرادات وصلت لـ 37 مليون جنيه.