حلمي عبد الباقي ينتقد إطلالات محمد رمضان في حفل الساحل: "إحنا بلد إسلامية ولها تقاليد"

كتب- مصراوي:

قال الفنان حلمي عبدالباقي، عضو مجلس نقابة المهن الموسيقية، إن حفل محمد رمضان حصل على تصريح، وفقا للبروتوكول بين نقابتي المهن الموسيقية والمهن التمثيلية.

وأضاف عبدالباقي، خلال مداخلته في برنامج "آخر النهار" على قناة النهار: "إنما اللي حصل في الحفل وبعيدا عن منصبي، أولا محمد رمضان ممثل كبير جدا، وماحدش يختلف على ده، ويحقق أكبر إيرادات في السينما، ومسلسلاته الأعلى مشاهدة، ونفتحر باننا عندنا ممثل زي رمضان، لكن أرفض كل مشاهد العري".

وتابع: "حفلات رمضان شو استعراضي، هو مش بيغني، لكن لو شال لقطات العربي بتاعة القميص والمايوه، مش هيأثر على نجاح الحفلة، إلا إذا كان في استعراض عشان ابين جسمي، وكتير من الناس بتقول الكلام وانتقدت ده على السوشيال ميديا".

وواصل: "احنا في النهاية بلد إسلامية ولنا عادات وتقاليد مش المفروض نخرج عنها، هما كانوا عاملين إبهار وإخراج عالمي للحفل، بس العري ده يقبل في الغرب، لأن هم ثقافتهم كده".

وكان محمد رمضان قد أحيا حفلًا غنائيًا في الساحل الشمالي، وسجد هو يرتدي قميصًا شفافًا، مما أثار جدلًا واسعًا.