أحمد عيد يكشف لمصراوي سبب غيابه: "أنا مش سوبر ستار"

كتبت- ياسمين الشرقاوي:

كشف الفنان أحمد عيد سبب غيابه عن الساحة الفنية، منذ تقديم فيلمي: "ياباني أصلي ٢٠١٧، وخلاويص ٢٠١٨".

وقال "عيد"، في تصريحات خاصة لمصراوي: "أنا مش نجم سوير ستار ولا النجم اللي بيجيب إيرادات ١٠٠ مليون، ولا حتى ٥٠، أنا بجيب إيرادات متوسطة، ولما عملت ياباني أصلي جاب تقريبًا 8.5 مليون، وده رقم متوسط".

وأضاف: "فيه نجم شباك، وفيه نجم أقل منه شوية... وهكذا، وأنا أعتبر نفسي آخر واحد".

وتابع: "أنا بدور على الشكل المناسب ليا، والموضوع اللي حابب أقدمه. أنا بدور على فيلم يمشي مع دماغي وتفكيري وقناعاتي الشخصية".

وعن نيته للاتجاه للكتابة السينمائية، قال: "معنديش شجاعة أدبية، حاجة زي الفوبيا كدا، بحاول لما أشتغل في أفلام أقول وجهة نظري، ويبدو إني الفترة الجاية ممكن أتجه للكتابة".

الفنان أحمد عيد غاب عن الدراما التليفزيونية منذ مشاركته في بطولة مسلسل صاحب السعادة بطولة النجم عادل إمام.