شريف رمزي يحيي ذكرى والده المنتج الكبير

كتبت- منال الجيوشي:

أحيا الفنان شريف رمزي، الذكرى الخامسة لرحيل والده المنتج الكبير محمد حسن رمزي، ونشر صورة له عبر حسابه الرسمي بموقع إنستجرام.

وعلق: "اليوم ١٣/١/٢٠٢٠ هو الذكرى الخامسة لوفاة والدي محمد حسن رمزي، طبعاً أنا معرفش إزاي عدت خمس سنين بحالهم من غيره و لازم أفكر كل الناس اللي لسه أبوهم في حياتهم إنهم يستمتعوا بوجوده وحنانه وسنده وعطاءه".

وتابع: "يحاولوا يقضوا معاه أطول فترة في حياته لأنه لما بيروح مفيش أي شخص في الدنيا ممكن يعوضه، للأسف الموضوع ده مش هيفهموه أو يحسه بيه إلا لما بيفقدوه، ساعتها بس بيحسوا بأهميته وتأثيره في حياتهم، ربنا يرحمك يا أبويا و يدخلك فسيح جناته فردوسه الأعلى، و يجمعني بيك علي خير يا رب".

المنتج محمد حسن رمزي، قدم للسينما عددا من الأعمال الهامة، أبرزها "الجزيرة"، "جاءنا البيان التالي"، "الديلر"، وغيرها.