خاص| أشرف زكي عن حالة والد فادي خفاجة الصحية: أولاده الأجدر بالحديث

كتبت- ياسمين الشرقاوي:

أعلن الفنان الشاب شادي خفاجة عن تدهور حالة والده الصحية، بعد مرور شهرين تقريبًا على تعرضه لأزمة استدعت تدخلا جراحيًا.

"مصراوي" تواصل مع الدكتور أشرف زكي نقيب المهن التمثيلية للوقوف على تفاصيل الحالة الصحية لوالد شادي وفادي وهادي، خاصة بعد ذكر الأول أن النقيب تدخل بشكل شخصي لحل جزءًا من المشكلة، وقال "زكي"، في تصريح خاص لـ"مصراوي": "ليس من حقي الحديث عن الحالة الصحية لوالدهم فهما أجدر مني في الحديث عن ذلك، وفي النهاية فهو ليس عضوًا بنقابة المهن التمثيلية، ولكن أنا أعتبر شادي وهادي أبنائي ولن أتأخر عنهم في شيء".

وكشف الفنان الشاب شادي خفاجة عن مرور والده بأزمة صحية، منذ شهرين تقريبًا، وكتب عبر حسابه الشخصي على موقع "فيسبوك"، تعليقًا على صور كشفت عما آل إليه جرح والده: "أنا مش عاوز أبويا يموت، أرجوكم ساعدوني، امبارح ابويا بدأ يخرف و يفقد الوعيوبدأ يدخل في غيبوبة، كلمت الدكتور الجراح بتاعه بقوله ابويا بيموت، رد عليا يقولياعمله ايه، الدكتور الجراح اللي عمل عملية ملوثة بيقول على العيان بتاعه اعمله ايه!؟،أنا ابويا بيروح مني بسبب أخطاء الأطباء". وتابع "أبويادخل يعمل عملية فتأ في الصدر وركب شبكة بتاريخ ٥ أغسطس بمستشفى ... ونصبوا عليا قالوليادفع ٢٥ ألف جنيه تأمين واللي هيتبقى بنعملك بيه استرداد، فوجئت بعد العملية بفاتورةبـ٩٠ ألف جنيه، اتصرفت ومكتب رئاسة الوزراء والدكتور أشرف زكي جابولي قرار بتخفيض٣٠٪؜ من المبلغ و كتر ألف خيرهم بأمانة وربنا يبارك فيهم".

وأضاف خفاجة "أبويا فضل يتابع مع الدكتور الجراح ... في عيادته وفي المستشفى وجرح ابويا دون تحسن مع فقدان الشهية وحالة إعياء عامة جسديا وده بسبب إن الجرح ملوث جدا من العملية، والنتيجة ان الدكتور طلب حجزه ودخوله عمليات مرة تانية في مستشفى .... مرة تانية وكلفتنا١٠ آلاف جنيه مقابل (يوم واحد فقط) وخرج على البيت، ومن يومها الدكتور بيبعت تمريض يغير على الجرح وبيتابع معاه ولكن دون جدوى أو تحسن وده منظر الجرح والحال اللي أبويا وصل ليه".

شدد خفاجة على سوء حالة والده الصحية، موضحًا "ابويا حرفيا بيموت مني ومش قادر اعمل ايه انا واخواتي، احنا من امبارح في مستشفى .... لان مش هقدر ادخل تاني .... ويتعمل عليا نصباية زي كل مرة وعدى على دخول أبويا ٢٤ ساعة في ... ورامين أبويا في غرفة فيها ٦ مرضى بدون تكييف أو مروحة وده خطر جدا على الجرح في الجو ده، ومفيش لا تمريض يركب له محاليل تغذية وريدية، ولا في دكتور جراح يبص على حالة الجرح والتلوث اللي هو وصل إليه نتيجة العملية، والدكتور نفسه اللي عامل العملية مش عاوز حتى يجي يبص على الحالة بتاعته بالرغم منانه شغال برضه في مستشفى ..، ارجوكم ابويا والله هيروح مني لو مالحقتوش في الـ ٢٤ ساعة دول".

جدير بالذكر أن شادي خفاجة هو شقيق الفنان الشاب فادي خفاجة، والفنان هادي خفاجة، بدأ الثلاثة العمل في الوسط الفني في طفولتهم، وحققوا نجاحًا كبيرًا.