صورة| فريدة سيف النصر عن أزمتها الصحية: حاجة غريبة بتحصلي لرابع مرة

كتب- هاني صابر:

قالت الفنانة فريدة سيف النصر، إنها تعرضت مؤخرًا لأزمة صحية طارئة، منعتها من التواجد في مشاهد ضمن أعمال فنية تشارك فيها، واضطر فريق العمل للتصوير بدونها.

ونشرت فريدة، صورة تكشف عن ما أصاب وجهها من ورم، بشكل غيّر ملامحها، وذلك عبر حسابها على "فيسبوك"، وعلقت: "ممكن تدعولي من قلبكم.. بجد أول مرة أبكي زي الأطفال، أنا أصلاً بتحمل، لكن مش قادرة.. ده مش مكياج ده، وشي بدون سابق إنذار صحيت باصوت في نص الليل ودي رابع مرة يحصلي حاجة غريبة في وشي وأكون باشتغل".

وتابعت: "يعني مش وقته استغفر الله أحسن من غيرنا سامحني والنبي اللهم لا اعتراض.. عاملة زي الكورة الكفر عينيه مقفولة وبوءي مدلدل حتى حواجبي وارمة هههههه.. يخرب بيت كده أنا إديتكم نص الوش علشان حقيقي مش أنا.. رعب والله تغيير سريع سبحان الله والحمد لله مش هزار تحت اسنان سليمة 4 خراريج إزاي مش عارفين، عملنا بانوراما كاملة والدكتور مستني الإلتهاب يروح والورم بحقن قوية وبعدين يقرر في ايه؟ هو نفسه بيسأل في إيه؟ هو أنا اللي هاعرف يادكتور".

وأضافت: "وطبعًا --- منيمني على روحي، لأن الألم الحمد لله ما يتحملوش إلا حد مستسلم لإرادة ربنا ويشكره.. المشكلة الشغل وما فيش وقت، لا حول ولا قوة إلا بالله.. لازم يصوروا من غيري وأنا وافقت هعمل إيه! قدر الله وما شاء فعل.. حاضر حبيبي يا ربنا كل اللي تجيبه راضية، والحمدلله هو ما بيجيبش حاجة وحشة أبدًا قضا أخف من قضا.. لو هافدي الغاليين كلهم أنا جاهزة.. ادعولي".

جدير بالذكر أن فريدة سيف النصر، تشارك في بطولة مسلسل "ولاد إمبابة".