فيديو| يسرا عن فيروس كورونا: "امتحان ولازم نعديه"

كتبت- بهيرة فودة:

نشر الحساب الرسمي للفنانة يسرا، عبر موقع "تويتر"، مقطع فيديو، تتحدث خلاله عن فيروس كورونا المستجد.

وقالت يسرا: "كلنا بنواجه فيروس كورونا، العالم كله بيواجه فيروس كورونا، بس كل واحد بيواجهها بطريقته، أنا رأيي إن الوقاية خيرًا من العلاج، وإن إحنا نبقى عارفين الأساسيات نتحاشى هذا المرض وهذا الفيروس، لو إحنا ساعدنا بعض ولو اتفقنا على حاجة معينة أعتقد إننا نقدر نقضي عليه".

وأضافت يسرا: "اللي مكتوب هنشوفه هنشوفه، لكن أنا مش عايزة الخوف والرعب يمتلكنا، دا فيروس زي أي فيروس تاني، وأعتقد إن إحنا في امتحان ولازم نعديه ونعدي منه إننا نلتحم مع بعض ونساعد بعض ونساعد الدولة اللي بتحاول تساعدنا، كلنا لازم نبقى إيد واحدة في مواجهة هذا المرض، ونآمن وبالوقاية هنقدر نتحدى هذا الفيروس".

وعلقت: " أنا بطلب نساعد ونطمن بعض عشان نعدي المرحلة الصعبة دي، طول عمرنا بنواجه صعوبات أكبر بكتير والحمدلله عدينها بالوحدة والحب والإيمان، مفيش حاجة ممكن تهزمنا طول ماحنا إيد واحدة، وأهم حاجة الوقاية والالتزام بالتعليمات".

ومن ناحية أخرى تخوض الفنانة يسرا السباق الرمضاني المقبل بمسلسل "دهب عيرة"، المسلسل إنتاج مشترك بين شركة العدل جروب والشركة المتحدة للخدمات الإعلامية، ويشارك في بطولته حلا شيحة، بيومي فؤاد، جومانا مراد، خالد سرحان، وهنادي مهنى، إخراج سامح عبدالعزيز.

أنا بطلب نساعد ونطمن بعض عشان نعدي المرحلة الصعبة دي .. طول عمرنا بنواجه صعوبات أكبر بكتير والحمدلله عدينها بالوحدة والحب والإيمان .. مفيش حاجة ممكن تهزمنا طول ماحنا إيد واحدة .. وأهم حاجة الوقاية والالتزام بالتعليمات #طمنوا_بعض #خليك_فالبيت #Youssra #يسرا pic.twitter.com/wp1QqfwIXc

— Youssra (@Youssra) March 16, 2020