عمرو سعد: "سلام لكل أم صنعت رجالة بجد"

كتب - هاني صابر:

حرص الفنان عمرو سعد، على الاحتفال بعيد الأم، بكلمات مؤثرة، بمناسبة عيد الأم.

وكتب سعد، عبر حسابه على "إنستجرام"، قائلاً: "سلام للأم اللي شقيت بجد، واللي كان صبرها أكبر من كل الظروف الصعبة، واللي كانت فطرتها الدفاع عن أطفالها بكل قوة حتى لو اتجرحت ونزفت ألم وتعب.. الأم اللي عمرها ما سابت ولادها يوم بعيد عن حضنها واللي كانت غريزة نجاحهم أقوى عندها من أي شيء.. سلام للأم اللي راهنت بصحتها وعمرها، وكسرت كل المرايات واللي خصمت من راحتها سنين".

وأضاف: "سلام للأم اللي أنكرت ذاتها بكل قوة وحطت طموحها على باب الله.. للأم اللي ارتاحت بعد راحتك، وفرحت بعد فرحك، ونجحت كل نجاحك.. واللي فاكر إن الأم دي خسرت يبقى مش عارف حاجة، لأنها كسبت كل شيء دنيا وآخرة.. سلام لكل أم صنعت رجالة بجد.. سلام لكل أم عرفت تصون وتحابي وتوهب السعادة وتحرض على الحياة الحلوة وتلون الدنيا وتعطي وتسعد وتحب، وسلام لأمي الحبيبة".