بالفيديو| روجينا تدعم زينة خالد الغندور على طريقة "فدوى" في "البرنس"

القاهرة- مصراوي:

وجه الكابتن خالد الغندور، رسالة شكر للفنانة روجينا، بعد قيامها بدعم ابنته زينة، التي أصيبت مؤخرًا بفيروس كورونا المستجد.

الغندور نشر عبر حسابه الشخصي فيديو لروجينا، ظهرت خلاله وهي تتحدث لابنته زينة، على نفس طريقة "فدوى" الشخصية التي أدتها في مسلسل "البرنس"، وتحبها الطفلة، وقالت روجينا "يا زينة اولا دينا قالتلي انك انتي بتحبي فدوى، عشان كده انا عملالك الفيديو ده، وعايزة اقولك، ان فدوى كمان بتحبك".

وتابعت "عارفة فدوى بتحبك ليه، عشان انتي قمر وعسل وسكر، يالا خفي وخدي الدوا وعايزاكي تاكلي كويس وتبقي شطورة عشان اجيلك انا وفدوى في البيت".

وعلّق الغندور على الفيديو: "شكراً الفنانة الجميلة روچينا على هذا الدعم المعنوي والدكتور أشرف زكي المحترم ربنا يقومه بالسلامة إن شاء الله".

"البرنس" تأليف وإخراج محمد سامي، بطولة محمد رمضان، نور، أحمد زاهر، محمد مهران، إدوارد، محمد علاء.