حمادة صميدة : ولادي ماتوا عندهم خمس شهور.. سيبوني أفرح بابني اللي فاضل

القاهرة-مصراوي:

جدد الفنان حمادة صميدة، مطالبته للتنمرين به بالكف عن ذلك، لافتا إلى أنه مرّ بظروف صعبة للغاية في مقدمتها حينما فقد طفليها "حمزة وياسين" في سن خمسة أشهر.

وكتب صميدة عبر حسابه على موقع "إنستجرام"، "أنا مريت بوجع وبظروف صعبة كتير بس أكتر لحظة وقف فيها قلبي ونزلت فيها دموعي لما ماتوا ولادي (حمزة وياسين) أول فرحة ليا في سن خمس شهور، حسيت ساعتها أنا ومراتي إن دي النهاية خلاص والدنيا اسودت في وشي ووجع ربنا ما يكتبه لحد".

أضاف: "لكن رحمة ربنا إنه يرزقني بابني (فارس) اللي ماليش غيره في الدنيا وهو أغلى حاجة عندي وممكن أضحي بعمري علشانه، فكفاية تنمر كفاية سخرية كفاية شتيمة.. سيبوني أفرح بحاجة، بحب ابني وشغلي دول حلم حياتي، لأن دول اللي فاضلين ليا في دنيتي بقى".

ونشر حمادة صميدة صورة لنجله "فارس" وتابع: "أبوس إيديكم ارحموني لما تشوفوني بنزل صورة لابني (فارس) اللي فرحان بيه وطلعت بيه من الدنيا، أنا ماليش في الدنيا غيره أنتوا متعرفوش أنا جوايا إيه وظروفي إيه ومريت بأيام شكلها عامل إزاي، أنا عارف إن (حمزة وياسين) في الجنة وأنا مشتاق للجنة عشان أشوفهم".

View this post on Instagram

A post shared by Hamada semeda حمادةصميدة (@hamadasmida) on Sep 27, 2020 at 6:54am PDT