زينة: فشلت في الزواج بغير إرادتي.. ومشاعري ماتت تجاه الرجالة

كتب- عبد الفتاح العجمي

قالت الفنانة زينة رضا، إنها تتمنى الصحة والخير لأولادها ووالدتها وأشقائها وأصدقائها في 2021، متابعة: "يا رب تكون سنة خير علينا كلنا وربنا يرفع عنا البلاء والوباء".

وحول أول قرار اتخذته في العام الجديد؛ قالت زينة: "هحاول أبطل أخاف وأتعايش شوية، وأني ألّم إيدي في المصاريف، أنا بصرف كل اللي بيجيلي".

وردا على سؤال "مشاعرك ماتت في الحب تجاه الرجل؟"؛ قالت في مداخلة مع برنامج "etbilarabi": "أيوه فعلا، لكن الموضوع مش شاغلني خالص، والحمد لله أنا تمام جدا".

أضافت: "محدش كرهني في الرجالة، أنا أخواتي رجالة، وأولادي رجالة، مكرهتش الرجالة، أكره الرجالة ليه؟ لكن بشوفهم بشكل مختلف، مش لازم يكون في علاقة حب وزواج".

تابعت: "أنا بني آدمة مبحبش أفشل خالص، وفشلت في الزواج بغير إرادتي، مش بمزاجي، فشلت فشل جامد، ومش عايزة أعيد التجربة خالص، معنديش حب ولا في المستقبل ولا بعدين، معنديش خالص، عارفة إني ممكن ألاقي حد يحبني، لكن أنا قررت إني منفعش في الحتة دي".

يذكر أن آخر أعمال زينة مسلسل "جمع سالم" والذي عُرض في شهر رمضان الماضي، تأليف محمد ناير، وإخراج إيمان الحداد.