حفل طريق الكباش.. هايدي موسى: "ربنا بيكافئني بعد سعي سنين".. و"أوعوا تيأسوا"
الفنانة الشابة هايدي موسى
كتبت- منى الموجي:
حرصت الفنانة الشابة هايدي موسى على توجيه رسالة لجمهورها ومتابعي حسابها الرسمي على موقع "إنستجرام"، بعد انتهاء احتفالية الأقصر طريق الكباش، التي أقيمت أمس الخميس في محافظة الأقصر.
وقالت هايدي في أكثر من فيديو عبر ستوري انستجرام: "حبيت ادخل اقولكم كلمتين من قلبي وبجد أشكركم على كل ردود الفعل وكل الكلام اللي شفته النهاردة، والناس اللي عملت شير وقالت عني كلمة طيبة او تعليق إيجابي ولمست الحاجة اللي تعبت فيها جدا النهاردة".
وتابعت "عايزة أقول كلمتين من قلبي، بعد ما خلصت وشفت نفسي ورد فعل الناس حسيت إن الحمد لله ان ربنا بيكافئني بعد سعي سنين وسنين، ربنا بيقولي انتي عندك حاجة حلوة وتستحقي فيه حاجات عمر الواحد ما يتوقعها ولا يتخيلها كنت بتمناها انها تحصل من عند ربنا، بدون تدخل من أي مخلوق من غير ما حد يرشح اسم، حد شافك من سنين وقال ان فيه بنت اسمها هايدي وشايف انها ممكن تنفع اسمه مكافأة ربنا، بعد سعي سنين اوعى تيأس طول ما انت عندك حاجة ربنا هيكافئك".
وأعربت عن سعادتها قائلة "سعيدة اني بوثق تاريخي كمصرية أعمل صورة وأقدم ملكة كانت موجودة كنت حاسة اني في العصر ده ومن الزمن ده، واقفة وخلصت لسه ضهري وراسي مرفوعة حاسة بفخر وهيبة، عايزة اشكر المايسترو الكبير نادر عباسي مش بس مايسترو وموسيقار عظيم لكن إنسان عظيم يؤمن بالإنسان اللي قدامه اللي عنده موهبة بيثق فيها وبيديله فرصة قالي انتي هتعملي ده، هتعمليه حلو اوي".
وحرصت على تهنئة الموسيقار أحمد الموجي "عايزة أبارك لأحمد الموجي الموسيقار العظيم اللي شارك بتوزيع المقطوعة الموسيقية بالاشتراك مع المايسترو نادر عباسي"، مختتمة "ربنا يكفيكم شر الناس الوحشة والعيون الوحشة دايما ناجحين ومتألقين ويرزقكم بكل سعادة".
وكتبت "سعادتي وشعوري بالفخر لا يوصف اليوم لمشاركتي في حفل افتتاح طريق الكباش أمام سيادة رئيس عبدالفتاح السيسي، الحمد لله أنشودة حتشبسوت توثيق للتاريخ، فخورة بمصريتي وإني قدرت أوثق هذا الحدث اداءً و غناءً، بقيادة المايسترو نادر العباسي".
View this post on Instagram
جدير بالذكر أن الحفل كان من إخراج مدير التصوير والمخرج أحمد المرسي، وشارك فيه عدد كبير من الفنانين، بينهم: محمد حماقي، لارا إسكندر، أسماء أبو اليزيد، وائل الفشني، هند الراوي.
فيديو قد يعجبك:
