"لا أملك غير تليفوني".. رشوان توفيق يبكي ويكشف عن أزمته مع ابنته وزوجها ونجلها (فيديو)

كتب- عبد الفتاح العجمي:

كشف الفنان الكبير رشوان توفيق، عن أزمته مع ابنته "آية" وزوجها ونجلها، موضحا: "في قضايا بينا ومحبش اتكلم عنهم، وأنا اديتهم حياتي كلها واللي بيحصل ده هسيبه للقانون، وأنا بثق في عدالة القانون".

أضاف توفيق، خلال حواره مع الإعلامي عمرو الليثي مقدم برنامج "واحد من الناس" عبر قناة "الحياة": "أنا مقصرتش مع حد من أهلي، حياتي كلها لبيتي وعيالي ومفيش غير كده، أنا بعد عمري ده كله لا أملك غير تليفوني المحمول، مفيش حاجة أملكها غير فضل الله عليّا سبحانه وتعالى، وأتمنى أن يُخرجني من هذه الدنيا آمنا مطمئنا".

تابع باكيا: "حياتي فيها تجارب قاسية كتير جدا، وأقسى تجربة اللي أنا عشتها دلوقتي.. أنا بقعد أكلم نفسي مضايق، أنا المقتول الحي".

وعلّقت ابنته هبة رشوان توفيق: "هو كتب كل حاجة لينا في حياته.. موزع إرثه من زمان.. كانت الأولوية لماما، كان مقسم كل حاجة بينا.. هو كان متأكد جدا أنه هيروح قبل ماما، وعشان كده كل أملاكه كانت ليها، وسبحان الله هي انتقلت الأول".

يذكر أن أخر أعمال رشوان توفيق فيلم "خيال مآتة" مع الفنان أحمد حلمي عام 2019.