شذى توجه رسالة لابنة رشوان توفيق: "إلحقي نفسك.. جوزك أكيد يتعوض"

كتب- عبد الفتاح العجمي:

حرصت المطربة شذى، على دعم الفنان الكبير رشوان توفيق، بعدما كشف عن أزمته مع ابنته "آية" وزوجها ونجلها.

وكتبت شذى، عبر "فيسبوك" موجهة رسالة لابنته: "كلام يا ريت يوصل لبنت الفنان القدير المحترم رشوان توفيق.. اللي كنت محظوظة إني اشتغلت معاه في (جواز على ورق سوليفان).. بقول الكلام ده لإني بنت باباها ومامتها متوفيين، وحقيقي لو خيّروني ما بين الدنيا كلها وإن بابايا ومامتي يرجعوا مش هختار غيرهم، بس الوقت عمره ما بيرجع".

أضافت: "إلحقي نفسك وروحي اقعدي تحت رجل باباكي.. لإن جوزك أكيد يتعوض.. والفلوس هتتعوض.. باباكي لو قابل وجه كريم لا قدر الله وبينكوا قطيعة ملايين الدنيا كلها ولا هيكون ليها لازمة ولا هينفع يتعوض".

تابعت: "ربنا وصى بالوالدين.. وَقَضَى رَبُّكَ أَلاَّ تَعْبُدُواْ إِلاَّ إِيَّاهُ وَبِالْوَالِدَيْنِ إِحْسَاناً إِمَّا يَبْلُغَنَّ عِندَكَ الْكِبَرَ أَحَدُهُمَا أَوْ كِلاَهُمَا فَلاَ تَقُل لَّهُمَآ أُفٍّ وَلاَ تَنْهَرْهُمَا وَقُل لَّهُمَا قَوْلاً كَرِيماً* وَاخْفِضْ لَهُمَا جَنَاحَ الذُّلِّ مِنَ الرَّحْمَةِ وَقُل رَّبِّ ارْحَمْهُمَا كَمَا رَبَّيَانِى صَغِيراً* رَّبُّكُمْ أَعْلَمُ بِمَا فِي نُفُوسِكُمْ إِن تَكُونُواْ صَالِحِينَ فَإِنَّهُ كَانَ لِلأوَّابِينَ غَفُوراً.. صدق الله العظيم".

وكان الفنان رشوان توفيق كشف عن أزمته مع ابنته "آية" وزوجها ونجلها، موضحا: "في قضايا بينا ومحبش اتكلم عنهم، وأنا اديتهم حياتي كلها واللي بيحصل ده هسيبه للقانون، وأنا واثق في عدالة القانون".

أضاف توفيق، خلال حواره مع الإعلامي عمرو الليثي مقدم برنامج "واحد من الناس" عبر قناة "الحياة": "أنا مقصرتش مع حد من أهلي، حياتي كلها لبيتي وعيالي ومفيش غير كده، أنا بعد عمري ده كله لا أملك غير تليفوني المحمول، مفيش حاجة أملكها غير فضل الله عليّا سبحانه وتعالى، وأتمنى أن يُخرجني من هذه الدنيا آمنا مطمئنا".

تابع باكيا: "حياتي فيها تجارب قاسية كتير جدا، وأقسى تجربة اللي أنا عشتها دلوقتي.. أنا بقعد أكلم نفسي مضايق، أنا المقتول الحي".

يذكر أن أخر أعمال رشوان توفيق فيلم "خيال مآتة" مع الفنان أحمد حلمي عام 2019.