"عمري ما ضربتها ومبحبش اللبس العريان".. محمد ضياء يكشف سبب طلاقه من منة فضالي

كتبت- بهيرة فودة:

كشف الملحن محمد ضياء عن سبب طلاقه من الفنانة منة فضالي.

وقال ضياء، خلال لقائه في برنامج "نص الكلام"، الذي تقدمه الإعلامية راغدة شلهوب، على شاشة النهار: "لما يكتمل شروط العرفي كلها أعتقد يبقى حلال، بما فيهم الإشهار والولي، ده حصل بعقد وإتعمل له صحة توقيع في محكمة بس مكنتش عايز أعلن الموضوع".

وأضاف: "أنا عملت ده عشان الزواج المؤقت اسمه زواج متعة، عملته كإنه خطوبة، حتى لو لمسة إيد يبقى حلال، مؤقتا لغاية ما أدخل مرحلة الزواج الرسمي".

وتابع : " أمها كانت معانا من أول يوم لآخر يوم، وممكن أجيب لك الصور".

وأكمل: "أقسم بالله عمري ما ضربتها ولا مرة. عشان أقسمت مرة زقيتها زقة كنت عايز أعدي، وقلتلها إبعدي كده".

وعن سبب طلاقهما قال: "صورة شفتها معجبتنيش، أنا متفق معاها إن في حدود في إنك تلبسي لبس عريان شوية، أنا مبحبش اللبس العريان".