محمد حفظي: حزين لعدم تعاوني مع كريم عبدالعزيز حتى الآن

كتبت- منى الموجي:

قدم المنتج محمد حفظي، رئيس مهرجان القاهرة السينمائي الدولي ندوة تكريم الفنان كريم عبدالعزيز على مسرح النافورة في دار الأوبرا المصرية.

وقال حفظي "الندوة دي من أهم فعاليات الدورة 43، شايف انها صدفة غريبة ان الاتنين المكرمين بيمثلوا من هما أطفال وهما صغيرين".

وعبر عن حزنه لعدم تعاونه حتى الآن مع كريم، مضيفا "حزين اني مشتغلتش مع الشخص ده أبدًا مشتغلتش مع أستاذ كريم أبدًا حاجة هتفضل مزعلاني لحد ما نشوف حل للموضوع ده".

وتابع "مش هتكلم كتير عن كريم مش عايز اقول تكريم متأخر هو اكتر من مستحق، مفيش اتنين يختلفوا على موهبته وحب الناس ليه، عنده روح المغامرة مستعد يغير من جلده ويروح في حتة مرحهاش قبل كده اللجنة الاستشارية بالاجماع كانوا مجمعين على الاسم ده".

كريم تسلم تكريمه بجائزة فاتن حمامة للتميز من مهرجان القاهرة السينمائي في افتتاح الدورة الثالثة والأربعين.