برنسة عبدالغني ترد على شائعة وفاتها: ليه الناس عايزة تموتني؟

كتب - هاني صابر :

أعربت برنسة عبدالغني، أشهر كومبارس بالوسط الفني، عن انزعاجها من تداول شائعات حول وفاتها خلال الساعات الماضية.

وقالت برنسة، في تصريحات خاصة ل مصراوي، إنها تلقت اليوم الإثنين أكثر من مكالمة لعدد من محبيها للاطمئنان على صحتها عقب تداول شائعات حول وفاتها عبر السوشيال ميديا.

وتابعت :"بيموتوني وأنا لسه عايشة، ولسه حية أرزق، وعمري لسه منتهاش.. ليه الناس عايزة تموتني؟".

وأضافت، أنها تجدد استغاثتها بالرئيس عبد الفتاح السيسي بأنها في حاجة إلى شقة لكي تعيش فيها، ومعاش تعيش منه قائلة: "تعبت ومش قادرة أشتغل تاني".

وكانت برنسة، قالت في تصريحات صحفية سابقة لمصراوي، إنها سيدة مطلقة وتعيش بشقة إيجار جديد بمنطقة الهرم بإيجار شهري 400 جنيه، بخلاف فلوس الكهرباء والمياه.

وقالت برنسة، وهي تبكي في تصريحاتها الخاصة: "كنت بشتغل زمان طباخة، ووقعت على ضهري وكان ممنوع عليا بعدها إني أقف، وبسبب منع الطبيب لي من الوقوف في المطبخ، اتجهت إلى العمل بالسينما".

وتابعت: "ما بخدش معاش، والكومبارسات مظلومين عشان ملهمش معاش ولا تأمينات، ويوم شغالين وعشرة لأ، وبقالي 4 شهور مبشتغلش، وبقيت استلف فلوس عشان أعيش وبقالي 45 سنة في شغلانة السينما، وأول بداياتي كانت بفيلم (فجر الإسلام)".

وأنهت حديثها: "كان عليا فلوس إيجار وكهرباء، واشتغلت مع المخرج معتز التوني الله يباركله بمسلسل (الفرح فرحنا) وسددت جزء من الفلوس اللي عليا ولسه عليا ديون وفلوس للناس".