ابنة سعيد صالح: لهذا السبب أخبرت والدي أني أكره عادل إمام (فيديو)

كتب- عبد الفتاح العجمي:

قالت "هند" ابنة الفنان سعيد صالح، إنها أخبرت والدها الراحل في صغرها أنها تكره الفنان عادل إمام، لافتة إلى أن سبب ذلك هو أن والدها كان يموت في كل الأفلام التي يتعاون فيها مع الزعيم.

أضافت "هند" في لقاء مع الإعلامية لميس الحديدي مقدمة برنامج كلمة أخيرة عبر قناة ON: "قولتله كذا مرة أنا مش بحب عادل إمام، وقت (مسجل خطر) و(سلام يا صاحبي) وغيرهم من الأفلام اللي مات فيهم كلهم".

تابعت: "قالي ليه ده صاحبنا وجارنا، قولتله أنت بتموت على طول، ده بالنسبالي مش عدل، أنا كنت بستنام لما يجي من التصوير عشان أطمن عليه، ويقولي ما أنا خلاص قدامك أهو، أقوله ما يمكن هدومك مخرومة من المسدس".

استكملت: "علاقته بعادل إمام كانت مسرح وسينما ومسلسلات وجيرة، العمارتين كانوا قدام بعض، وأولادي مع أولاد رامي وسارة في المدرسة، هما كانوا دايما مع بعض من قبل التمثيل، ولما اتجوزوا قرروا يسكنوا قدام بعض مش صدفة، حياة كاملة مع بعض".

سعيد صالح أحد أشهر نجوم الكوميديا في تاريخ السينما والمسرح، ولد في 31 يوليو 1938، وتوفي في 1 أغسطس عام 2014 بعد صراع طويل مع المرض.