أول ظهور لـ نجلاء بدر مع زوجها بعد تصريحاته المثيرة للجدل

كتب - هاني صابر:

تحل الفنانة نجلاء بدر، ضيفة على برنامج "أبلة فاهيتا" قريبا، وكشفت عن ظهور زوجها محمد عفيفي بعد حالة الجدل الذي أحدثها بتصريحاته خلال الساعات الماضية.

ونشرت نجلاء، صورا من الحلقة، عبر حسابها الرسمي بموقع إنستجرام، وعلقت: "العشق كله والدلع والضحك من القلب.. ميعادنا مع (أبلة فاهيتا) يوم الخميس القادم الساعة ١١ مساء والجمعة الساعة ١١ مساء على قناة (أون) وربنا يستر".
وكان زوج نجلاء بدر قد تسبب في حالة جدل بعد إطلاقه تصريحات ممازحًا زوجته خلال حوارها في برنامج "مساء dmc"، في مداخلة هاتفية، حينما سُئل عن تقييمه لها كفنانة.

وقال زوج نجلاء بدر: "بحب فيكي إنك بتعملي تشكيلة أدوار كبيرة الفترة اللي فاتت، أدوار مختلفة ومفاجئة، أنا مش متخيل إمبارح كنت بتفرج عليكي لابسة بدلة، واحدة تخينة وعندها سمنة وصدقتك".

وسألت نجلاء بدر زوجها: "لو حصل كده في الحقيقة"، فأجاب: "هطلقك طبعا.. أنا واخدك موديل معين، واخدك عربية سبور ولذيذة، تقلبي أتوبيس، هنزل المحطة الجاية على طول".

وكشف زوج نجلاء بدر عن إصابتها بتسمم غذائي قبل أيام، أثناء انشغاله في عمله، وقيامها بقيادة سيارتها للمستشفى لعمل غسيل معدة دون علمه، وذلك حتى لا تخرجه من تركيزه.

لتخرج وتدافع عنه الفنانة نجلاء بدر قائلة: "تفاجأت بردود الأفعال من الجمهور ودفاعهم عني، ولكن حرام محمد جوزي كان بيهزر مش أكتر، وأنا عشان عارفة طبيعته وحافظة جوزي كويس جدا وعارفة إنه بيهزر".

وأضافت: "عمري ما تخيلت أن الموضوع هياخد الحجم ده، ودفاع الجمهور عني، وأكيد هم عندهم حق طبعا، ولو مش بيهزر يبقى عندهم حق طبعا، ومبسوطة جدا إن الجمهور بيدافع عني وبيدافع عن أي امرأة جوزها بيقولها كده أنه «هيطلقها لو تخنت".

واختتمت: "بجد هو كان بيهزر لأن دي طبيعته وبيحب الهزار جدا الحمد لله، ودي صفة جميلة جدا فيه ومتخفوش أنا زي الفل وعلاقتنا زي الفل الموضوع كان هزار مش أكتر".

يذاع برنامج "لايف من الدوبلكس" في موسمه الحالي، يومي الخميس والجمعة من كل أسبوع، في تمام الساعة 11 مساء على قناة ON.

View this post on Instagram

A post shared by Naglaa Badr (@naglaabadr_official)