قررت الانتحار بإرادة وهدوء وبستنى الوجبة 12 ساعة.. تصريحات شريف دسوقي (سبعبع)

كتبت- ياسمين الشرقاوي:

تصدر الفنان شريف دسوقي قوائم الموضوعات الأكثر رواجًا عقب تصريحاته في مداخلة هاتفية لبرنامج "حضرة المواطن"، الذي يقدمه الإعلامي سيد علي، والذي هدد خلالها بالانتحار إن لم يحصل على أجره المستحق في مسلسل "بـ100 وش".

ونستعرض في السطور التالية أبرز تصريحات "سبعبع" شريف دسوقي:

- أنا مهددتش بالانتحار بالعكس واخد القرار عن هدوء وإرادة وبدون عصبية.

- أخذت قراري بالانتحار وفي وجود أستاذي ومعلمي وصديقي وصاحب الفضل عليا دكتور أشرف زكي، وبوجود أحمد الجنايني، الأخ والابن الغالي.

- أنا هقول للناس الحقيقة، والناس تعرف عني إني مبقولش غير الصدق، في تاتش عادي جدًا حصل بيني وبين أستاذ أحمد الجنايني عشان اللي أنا بعلنه مباشرة وبتهمهم بيه.

- أنا هبطل تمثيل في 2025 بعد سداد التزاماتي بسبب شريف زلط، هذا الرجل اللي صالحني صلحا زائفا، ويا أستاذ شريف زلط أنا مقولتش عليك نصاب.

- أصحاب الفضل عليا جمال العدل ومحمد العدل ومدحت العدل، أنا ليه مخدتش باقي أجري في مسلسل بـ100 وش؟.

- أستاذ شريف زلط لما تقعد مع فنان واخد جايزة من مهرجان القاهرة السينمائي.. جايزة لم تحصل عليها مصر اعلموا سيرش وشوفوا.

- أستاذ شريف عرفة بعتلي على الواتساب، شكرا أستاذ شريف دسوقي نتمنى لك تحقيق كل ما تتمناه فأنت فنان موهوب على حق، أستاذ شريف بيعمل الطبيعي البسيط وله كل الفضل عليا.

- هو شريف عرفة وسينرجي من كوكب تاني يا أستاذ شريف زلط عشان تقولي اللي بتقول عليه ده كان زمان وجبر؟.

- ليه يا زلط بتتفق معايا في الهول وبتتفق مع كل الممثلين في الغرفة، هو أنا جايلك لا مؤاخذة واخد جايزة من مهرجان حلق حوش؟.

- بلاش الجايزة.. طيب إنت عارف مين أساتذتي عشان تكلمني كدا هو أنا رفعت عيني وأنا بكلمك لحد ما نهرتني وقولتلي احنا اللي عندنا بياخدوا الخُمس، شباك العدلية مش زي أي شباك.

-أساتذتي قالولي امبارح متتكلمش في البريك والوجبة يا شريف.. أنا ليه استنى 12 ساعة عشان أخد البريك وأكل عشان أكمل مع أستاذة كاملة أبو ذكري، وأغمى عليا أكتر من 12 مرة في مسلسل بـ100 وش.

- حالة إقدامي على الانتحار تتملكني بسبب كلام شريف زلط ليا.

- لما أبقى صارف 86 ألف جنيه على رجلي مش من حقي أطالب بحقي؟.

- دكتور أشرف زكي يتولاني منذ أن كان عمري 16 عاما وقت أن كان معيدًا بالمعهد، أنا تربية أشرف زكي شئتم أم أبيتم.

- أحمد الجنايني أكن له كل الفضل، لن أتنازل عن حقي وإن قطعتوا رقبتي بيدي.

من ناحية أخرى، يُعرض للفنان شريف دسوقي، حاليا بالسينمات، فيلم "وقفة رجالة"، والعمل من بطولة كل من: سيد رجب، بيومي فؤاد، وماجد الكدواني، بالتعاون مع شريف دسوقي، ومحمد سلام، إضافة إلى ضيوف الشرف سوسن بدر، وصفاء الطوخي، وإيمان السيد، والعمل من إنتاج شركات سينرجي فيلمز، وأفلام مصر العالمية، ونيوسنشري ماجيك بينز.

https://www.youtube.com/watch?v=JAC8E1Ajdd8&feature=emb_logo