مصطفى درويش يعلق على تصريحات شريف مدكور عن " السلف"

كتبت- بهيرة فودة:

علق الفنان مصطفى درويش، على تصريحات الإعلامي شريف مدكور الأخيرة، التي أعلن فيها رفضه لمبدأ "السلف" عبر مواقع التواصل الاجتماعي.

ونشر مصطفى درويش، تصريحات "شريف مدكور"، عبر حسابه الشخصي بموقع "فيس بوك"، وعلق:"عنده حق الموضوع ده مستفز فعلا.. بس بنشوف الرسايل اللي زي دي ومش بنرد بعمل نفسي ما شوفتهاش وخلاص..علشان المحتاج بجد بيكون عفيف وعنده كرامة إنما دول نصباية ودايرة على الكل".

وكتب مدكور منشورًا، عبر حسابه بموقع "فيسبوك"، قال فيه :"عايز أفهم.. يعني إيه حد أنا معرفوش يبعتلي على فيس بوك، يقولي أنا عايز أستلف 100 أو 150 ألف جنيه، أولًا اللي عايز يستلف ده لازم يكلم حد من أهله، مثل خالته أو عمته أو أي حد مقرب منه، في ناس قالت عليا قليل الأدب وغليظ القلب، يعني إيه أسلف حد معرفوش، فلوسي اللي أنا تعبت فيها".

وأضاف: "يعني إيه واحدة تبعتلي تقولي أنا محتاجة 100 ألف جنيه عشان اشتريت حاجات من ورا جوزي وهتفضح وهسددهملك على سنة، هل يا جماعة ده طبيعي؟، يعني إيه واحد يبعتلي يقولي محتاج 6 آلاف جنيه يقولي بقالي شهور مدفعتش قسط الموبايل هل ده مقبول؟ أنت اشتريت موبايل ليه أصلا وأنت مش معاك فلوسه".