أمير كرارة: "سمكري البني آدمين" قالي واخد دكتوراه من أمريكا (فيديو)

كتب- عبد الفتاح العجمي:

روى الفنان أمير كرارة، تفاصيل تجربته مع "ي.خ" المعروف بـ"سمكري البني آدمين" الذي ظهر مؤخرا في عدد من فيديوهات مع النجوم، قبل ضبطه.

وقال كرارة، في مداخلة هاتفية مع برنامج "آخر النهار" على قناة "النهار": "اللوم مش على الفنانين والله، اللوم على اللي سايبينه بيشتغل بقاله 3 سنين، في جهة مختصة المفروض تشوف ده دكتور ولا مش دكتور، لو مش دكتور توقفه وتقفل له العيادة، هل أنا كل دكتور علاج طبيعي يجيلي أقول له وريني الكرنيه بتاعك؟ ده مش طبيعي".

أضاف: "أنا حد رشحلي الراجل ده، وجه عملي جلسة، ومرتحتش فمرشحتوش لحد وحسيت إن الموضوع غلط، سألته أنت دارس، قالي دارس في أمريكا وواخد دكتوراه، وحكالي قصة كده مبلعتهاش وخلص الموضوع، ومكنتش أعرف موضوع أن اسمه (سمكري البني آدمين)، لو كنت أعرف مكنتش روحت أو ممكن كنت أروحله بموتوسيكل أو توكتوك أصلحه".

كان الدكتور سامي سعد النقيب العام للعلاج الطبيعي، أعلن ضبط أحد الدخلاء على المهنة ويدعى "ي. خ" الشهير بـ"سمكري البني آدمين".