في عيد ميلادها.. قصة إصرار وردة على اختيار أنغام في حفلاتها

كتب- هاني صابر:

احتفلت الفنانة أنغام، بعيد ميلادها الـ 50، إذ أنها من مواليد 19 يناير 1972، وبهذه المناسبة نستعرض لكم قصة إصرار وردة على إختيار أنغام لتشاركها في حفلاتها الغنائية.

قالت أنغام، عن الفنانة الكبيرة وردة، في لقاء سابق لها ببرنامج"معكم منى الشاذلي": "وردة ليها أفضال عليا، وكانت ست كريمة في التعامل، وهى كبيرة بشكل أنا مشفتهوش في ناس كتير اتعاملت معاهم.. أسامي كبيرة كتير في بداياتي.. الست وردة كانت بتختارني في حفلاتها، وكانت بتقول أنا عايزة أنغام، ووقتها كانت نجمة كبيرة جدا، وكان يسمح لها تقول عايزة مين ومش عايزة مين يغني معاها، وكان ممكن تقول لأ، هاتوا غيرها".

وتابعت: "وردة وافقت مرة إن يتحط صورتي جنبها على أفيش أعلى سور نادي الترسانة، واتحط صورتي جنب صورتها، وده كان مبيحصلش في الوقت ده.. أنا فاكرة الأيام دي كويس، كنا بنسمع إن المطرب الفلاني رفض يتحط صورة جنبه أو يتحكموا في وضع الصور.. فـ (وردة) كانت دايما عايزة تخدني وتطلع على المسرح".

وأضافت أنغام: "أنا ممتنة ليها جدا، واتعاملت معاها، وشوفت قد إيه هي كانت فنانة كبيرة وعظيمة".

يذكر أن آخر أغاني أنغام، كليب "هتشتاقوا" والذي طرحته مؤخرا عبر قناتها على موقع "يوتيوب"، من ألحان مصطفى العسال، وتوزيع عمرو الخضري، وكلمات الشاعر عمرو يحيى.