" منى زكي كانت بتعمل زيي".. عزة بهاء تكشف أسباب رفضها التصوير مع الجمهور ببداياتها ؟

كتب- وائل توفيق:

كشفت الفنانة عزة بهاء أسباب رفضها للتصوير مع الجمهور أثناء مشاركتها في مسرحية "شقع بقع" في الوقت الذي كانت الفنانة منى زكي تتخذ نفس الموقف، وذلك أثناء استضافتها في برنامج "كلام الناس" على شاشة "إم بي سي مصر".

قالت: "مرة كنت بعمل مسرحية إخراج شاكر خضير الله يرحمه، كان اسمها شقع بقع، وبعدين كل يوم يجي المصور بتاع الصالة جايب ناس تتصور مع الممثلين في الكواليس، فكنت بقوله لأ، معلش، مبحبش أتصور، أنا معرفهمش عشان أتصور معاهم، فآخر ما زهق راح اشتكى للأستاذ أحمد بدير".

وأضافت: "كانت منى زكي شغالة في مسرحية تانية، فالمصور قال للأستاذ أحمد بدير، هم الاتنين مبيرضوش يتصوروا فأنا توقف حالي، فالأستاذ أحمد بدير قالي لازم تتصوري مع الناس، ده جزء من الشغل وعادي، كنت بقوله أنا معرفهمش يتصوروا معايا ليه؟، كنت صغيرة وشايفه يتصوروا معايا وأنا معرفهمش ليه، أو هيعملوا إيه بالصورة؟، وبعدين عرفت وتعودت إن الناس حابة تتصور، وأنا لازم اتقبل الوضع".

يذكر أن مسلسل "إلا أنا" عام 2020 آخر الأعمال التي شاركت فيها الفنانة عزة بهاء.