ما علاقة روميو وجوليت؟..تفاصيل جديدة حول انفصال بسمة عن عمرو حمزاوي

كتب- هاني صابر:

كشفت الفنانة بسمة، عن تفاصيل جديدة حول انفصالها عن زوجها السابق عمرو حمزاوي بعد زواج دام لسبع سنوات.

وقالت بسمة، ببرنامج "كلمة أخيرة": "الواحد أحيانا بيتسائل لو كان روميو وجوليت، قصة الحب الرهيبة اللي العالم كله بيحلف بيها، لو مكنوش ماتوا الاتنين، وكانوا كملوا واتجوزوا، كان إيه اللي حصل؟ .. أحيانا الدنيا بيحصل فيها كدا، واحنا محافظين على علاقة صداقة واحترام كويسة، أنا بعتز بيها".

وتابعت: "قرار الانفصال، مكنش جزء منه الشغل، ولكنه كان لأسباب شخصية، أحيانا الناس ما بتعرفش تكمل، وأحيانا تتطور العلاقة لشكل آخر، والدنيا كانت قاسية شوية معايا أنا وعمرو، والغربة كانت قاسية".

وأَضافت: "مازلنا عيلة وعمرو جزء من عيلتي حتى لو احنا مش متجوزين، وأم ولاد عمرو وزوجته الأولى جزء من عيلتي حتى لو هم مش متجوزين، لأن فيه بينا روابط، وهي دي الحاجة المستمرة للأبد، لأن في بيني وبين عمرو بنتنا (نادية)، وفي بين عمرو وزوجته الأولى (نوح ولؤي) وهما إخوات "نادية"، ودي حاجات ولاد الأصول ماينسوهاش".

يذكر أن، آخر أعمال بسمة مسلسل "طير بينا يا قلبي" وهو بطولة ريم مصطفى، بسمة، دنيا ماهر، حازم سمير، عمرو عبدالعزيز، هالة فاخر، محسن محيي الدين، أحمد صيام، إسماعيل فرغلي، وإخراج عصام نصار.