حفيد محمود ياسين: "عايز أعزم الراجل اللي طرد عامل النظافة على أكلة سمك"

كتب- وائل توفيق:

علق الفنان الشاب محمود عمرو محمود ياسين تعليقا ساخرا على الضجة التي أحدثها عامل النظافة صاحب واقعة الطرد من أحد مطاعم الكشري، وذلك عبر صفحته الخاصة بموقع التواصل الاجتماعي "فيسبوك".

وكتب حفيد محمود ياسين: "أنا عايز أعزم الراجل اللي طرد عامل النظافة من كشري التحرير على أكلة سمك"، وعلقت جدته الفنانة شهيرة: "ده بيقولك أنا معنديش شغل وماخدتش من حد جنيه شهرة على الفاضي ومحصلش أن إدوارد كلمني آجي عنده البرنامج وعرض ألف جنيه محصلش، أنا مستعد أروح حالا وأنا أصلا معييش ربع جنيه في جيبي".

يذكر أن "محمد" عامل النظافة صاحب واقعة كشري التحرير أكد أنه لم يحصل على أي مساعدة من أي شخص حتى هذه اللحظة، وذلك أثناء ظهوره في برنامج "تفاصيل" المعروض عبر شاشة "صدى البلد2".

قال: "الأستاذ أحمد، الفنان -في إشارة إلى الفنان أحمد العوضي الذي التقاه بعد الواقعة الشهيرة التي طُرد فيها من مطعم الكشري حسبما زعم- هو قالي هقف معاك في موضوع الرخصة، وقالي مشكلتك إيه؟، حتى الصحفي قاله هو مشكلته أنه دخل عامل نضافة عشان ميمدش إيده لحد، وعشان رخصته، راح هو قال لأ، مشكلتك دي هحلهالك، أنا معايا رخصة أولى، تاني حاجة قالي متشغلش دماغك، أنا هقف معاك وأعملهالك، بس الصراحة مفيش حد وقف معايا، عشان مكذبش، ودي الحقيقة يعني والصراحة ولحد دلوقتي".

وأضاف: "حتى لما بتصل بـ24 وأقوله اتواصل معاه أو كده، قالولي حاضر هنرد عليك، ومرة يكنسل ومرة ما يردش، الصراحة بقى مرضتيش أكلم حد، قولت بقى ربنا يقدر بأي شغلانة، أنا حاسس إني لوحدي دلوقتي، لكن مفيش حد ساعدني بحاجة، ومفيش حد إداني حاجة".

كان قد انتشر مقطع فيديو الأيام الماضية عبر صفحات التواصل الاجتماعي يوضح رفض إدارة أحد فروع مطعم للكشري جلوس أحد عمال النظافة داخل صالة المطعم، وهو ما لاقى انتقادات موسعة لهذا التصرف عبر السوشيال ميديا.

اقرأ أيضًا:

صاحب واقعة الكشري: "محدش ساعدني وأحمد العوضي كل ما اتصل عليه يكنسل" (فيديو)

"بعد أنباء خطبتها من عامل النظافة".. من هي غدير أبو خزيم؟