تبرع بأي مبلغ الجنيه بيفرق.. عمرو يوسف يطلب من جمهوره مساعدة "57357"

كتبت- بهيرة فودة:

طالب الفنان عمرو يوسف من جمهوره ومتابعيه مساعدة مستشفى 57357 والتبرع لها، خوفا من إغلاقها.

وخرج عمرو يوسف في مقطع فيديو، عبر حسابه الرسمي بموقع "فيسبوك"، قال فيه: "مساء الخير باختصار ومش عايز أطول عليكم وماحدش طلب مني أعمل الفيديو دا، مستشفى 57357 هذا الصرح العظيم بيقفل، المستشفى دي قائمة بشكل كبير على تبرعاتنا وفي فرع في طنطا سمعت إنه قفل".

وأضاف: "بقالي فترة بسمع كلام كتير إن المستشفى حالتها صعبة جدا لإن التبرعات بتاعتها قلت، لما الموضوع بدأ يزيد بدأت أدور بنفسي، والحقيقة هو مكان عظيم والناس اللي هناك محترمة جدا، والشغل اللي بيعملوه غير طبيعي".

وتابع: "فيه أزمة اقتصادية وكنا بنتبرع بس دلوقتي مش قادرين نتبرع مش مشكلة، تبرع بأي مبلغ، صدقوني الجنيه بيفرق معاهم، احنا 100 مليون وتخيلوا الجنيه من كل واحد بيعمل إيه".

وأكمل: "أنا عندي تجربة شخصية أي زنقة فلوس بطلع، ومش لازم بطلع اللي كنت بطلعه، بطلع أقل شوية، بس ربنا بيروح باعت على طول".

وأردف "وضعهم صعب جدا، وكانوا عاملين مجهود كبير جدا مع أهالينا، فرع طنطا بيقفل، اللي يقدر يساعد يساعد".

ومن ناحية أخرى، كان الفنان عمرو يوسف أعرب عن سعادته بعد تكريمه من حفل جوائز "دير جيست" عن مسلسله "وعد إبليس".

ونشر عمرو يوسف صورة له أثناء التكريم، عبر حسابه الرسمي بموقع "إنستجرام"، وعلق عليها قائلًا: "من حفل جوائز دير جيست وجائزة عن مسلسل وعد إبليس، شكرًا من كل قلبي لكل الجمهور اللي قام بالتصويت".

وشهدت الدورة الـ 19 من مهرجان دير جيست تكريم عدد من نجوم الفن والأغنية ومشاهير الإعلام في عام 2022.

أقرأ أيضا:

أشرف زكي ضيف برنامج "حبر سري" في هذا الموعد

"الشغلانة بتقصر العمر".. ريهام عبدالغفور تنعى هشام الشربيني