المطربة حنان:"كنت بنزل أبكي وأكلم البجع وابني كان في مرحلة خطر"

كتبت- بهيرة فودة:

تحدثت المطربة حنان عن أصعب قرار اتخذته في حياتها، مشيرة أنها عندما تزوجت وسافرت إلى ألمانيا.

وقالت حنان، خلال لقائها في برنامج "كلمة أخيرة"، الذي تقدمه الإعلامية لميس الحديدي على شاشة "On"، :"أصعب قرار في حياتي إني تزوجت وسافرت ألمانيا، ما كنش قرار لذيذ من البداية، يعني لما تحسي إنك اتحطيتي في موقف كان صعب عليا، ألمانيا مش بلد لذيذة خالص، وناس جداد وحياة جديدة".

وأضافت :"أنا كنت خارجة وقتها من حاجة لازم أخد ريست، وكمان وقتها سبت الغناء وكانت أقسى مرحلة في حياتي".

وتابعت :"كنت ساكنه بجانب "نهر" في ألمانيا، وكنت بنزل أتكلم مع "البجع" وأبكي لأني مش عارفه أرجع في قراري ومش عارفه أكمل منين، بس ما أقدرش أنكر إني استفدت كتير جدا من ألمانيا بعد كدا".

وأكملت:"أبني وقتها كان داخل مرحلة خطر فا كان لازم أكون جنبه وبنتي كانت لسه صغيرة أوي، أكتشفت بعد كدا إن أولادي كانوا محتاجني، وإن والدتي كانت محتجاني، أنا كنت محتاجه أوقف حاجات كتير".

من أشهر أغاني المطربة حنان :لو تأمر قلبي، الشمس الجريئة، هاتوا هاتوا، رايقة ماتروقش ليه، زي زمان بحبك".