يكشف هل حاول الانتحار؟.. أحمد عزمي: ظلمت نفسي ووالدتي صُدمت فيا (فيديو)

كتب- هاني صابر:

تحدث الفنان أحمد عزمي، عن الظروف التي مر بها في حياته خلال الفترة الماضية وغيابه عن الساحة الفنية.

وقال عزمي، ببرنامج "كلام الناس"، المعروض على قناة "mbc مصر"، إنه ضُبط خلال وجوده بشرم الشيخ بحوذته مواد مخدرة.

وتابع: "اللجنة وقفتنا، والظابط لقى فيه حاجة مش مظبوطة، وفتش العربية طلع منها أقراص مخدرة، الناس اللي كانوا معايا في عربيتي مش قادر أتذكرهم أنا عرفتهم إزاي أو منين".

وأوضح: "أنا كنت باخد ... ، لكن بوصفة روشتة، بس الموقف على بعضه ماكانش شكله كويس، كان فيه حد من اللي راكبين معايا العربية كانت بنت مُسجلة، فالموضوع كبر".

واستكمل: "اتحبست 6 شهور، وقضيت العقوبة وبعدها بدأت حياتي الجديدة في 2016 .. أنا ظلمت نفسي طبعا، لأن الناس اللي ركبت معايا ما أعرفهاش، وتتبعت خطوات الشيطان، وظلمت نفسي وحطيت نفسي في موضع شبهات، وده في حد ذاته خطأ، بس الحمد لله انها جت على قد كده".

وقال عزمي: "فيه فترة جت عليا حسيت إن وجودي وصمة عار في حياة ابني آدم، ودي كانت حاجة بالنسبة ليا صعبة"

وأضاف: "صدمة أمي الله يرحمها كانت في أخويا، والصدمة التانية كانت فيا، اتوفت بعد ما طلعت من السجن بـ3 شهور".