مُصاب بشلل بالجهاز الهضمي.. تامر حسني يزور الطفل مصطفى (فيديو)

كتبت- منى الموجي:

حرص الفنان تامر حسني على زيارة الطفل مصطفى شاهين، قبل ساعات قليلة لدعمه معنويا، إذ يعاني من إصابته بشلل في الجهاز الهضمي.

ونشرت والدة مصطفى الفيديو على "فيسبوك"، وكتبت في تعليقها عليه "أول ما حالة مصطفى وصلت للفنان تامر حسني، لقيناه بعدها بساعة جاي من آخر الدنيا جري من منطقة الشيخ زايد للتجمع الخامس عشان يطمن على مصطفى، وبالصدفة مصطفى أصلاً بيحب تامر حب مش عادي وبيتفرج على أفلامه هو بس، لدرجة لما شافه مصدقش وافتكر إن دا واحد شبه تامر".

وأضافت: "ابني عنده شلل في الجهاز الهضمي كله مفيش أمعاء ولا معدة ولا بنكرياس ولما بيتوجع مينفعش ياخد مسكن أو أي دوا يعني ألم طول الحياة، ومفيش صحة نهائي ودا مأثر على إدراكه، نفسي ابني يرجع زي صورته اللي في أول الڤيديو قبل المرض، ادعوله أرجوكم وناشدوا معايا كل الجهات المسؤولة في دولتنا العظيمة، انقذوا مصطفى، الموضوع مش سهل ومش أي حد يقدر يعمله لصعوبة الخطوات والتكاليف اللي بتتجاوز ٣٦ مليون جنيه، الموضوع اكبر من الأشخاص عشان كدا أتمنى صوتي يوصل لكل الجهات المعنية الفاضلة وشكراً لكل اللي حاولوا يساعدوني".

واختتمت حديثها "شكراً يا تامر على سرعة استجابتك وعلى كل اللي قولته واللي عملته امبارح، واللي لسه بتحاول تعمله عشان طفل انت متعرفهوش، ربنا يراضيك يا ابني وينصرك ويسترك دنيا وآخرة".

وظهر تامر في الفيديو وهو يزور مصطفى في منزله، والذي لم يصدق في البداية، واعتقد أنه واحد شبهه، حتى اقتنع في النهاية وقام بمشاركته الغناء، معبرا عن حبه الكبير له.

وكانت والدة مصطفى وجهت نداءً عبر موقع التواصل الاجتماعي "فيسبوك"، تطلب فيه المساعدة في حالة ابنها إذ يتكلف علاجه مبلغ كبير يفوق قدرة أي فرد، طالبة من الدولة التدخل لإنقاذ طفلها.