"هاين عليا أرمي نفسي من البلكونة".. من هو شريف إدريس الذي اعتزل التمثيل؟

كتب- هاني صابر:

أعلن الفنان شريف إدريس، اعتزال الفن، عبر حسابه على "فيسبوك"، قائلا: "بسم الله الرحمن الرحيم، بعد ٣٥ سنة سعي وتعب في الوسط الفني، قررت الاعتزال والابتعاد تماما وتغيير مسار حياتي وأي حد عنده فرصة سفر ليا هاكون شاكر ليه وده طلبي الوحيد، وده قرار أخدته بعد ما الأمور وصلت في الوسط الفني لمرحلة عبثية".

شريف إدريس أحد أشهر الممثلين الذي بدأوا العمل في الطفولة، ووقف أمام كبار نجوم الفن، الذين أشادوا بموهبته بينهم: نور الشريف وصلاح السعدني، ونستعرض لكم معلومات عنه في السطور التالية:

- بدأ العمل بالتمثيل وهو في مرحلة الطفولة.

- بدايته الحقيقية بعمر الـ 5 أعوام مع المخرج حسين كمال بفيلم "كل هذا الحب" مع الراحل نور الشريف.

- قال شريف إدريس ببرنامج "يا أنا يا هي": "كنت بهرب من التمثيل، عشان أروح أقدم في مدارس الكرة، ولعبت في المقاولون العرب، وكانت الكورة في دماغي لحد سن 15 سنة".

- والدي كان بيدعمني في التمثيل.

- إسماعيل عبدالحافظ الله يرحمه، كنت بعتبره أبويا.

- "عندي 3 أبناء.. حبيبة وعمر وجواد".

- "بحب كرة القدم جدا منذ صغري، وعملي في التمثيل جاء بالصدفة".

- شارك فيما يقرب من 71 عملا فنيا ما بين السينما والتليفزيون.

- تعرض للإصابة بفيروس كورونا في سبتمبر 2021 .

- آخر أعماله السينمائية فيلم "النهاردة يوم جميل" مع باسم سمرة.

- آخر أعماله التليفزيونية مسلسل "قصر النيل" مع دينا الشربيني.

- من أبرز أعماله السينمائية: "صندوق الدنيا"، "سمكة وصنارة"، "شباب على الهوا"، "تفاحة"، "اليتيم والذئاب"، "امرأة ضلت الطريق"، "للآباء فقط"، "الطعم والسنارة"، "خطة بعيدة المدى"، "مدرسة الحب".

- من أبرز أعماله التليفزيونية: "قصر النيل"،"سلطانة المعز"،"نسر الصعيد"،"الجماعة ج2"، "الخروج"، "الهروب"، "رجل الأقدار"، "عفاريت السيالة"، "المهنة طبيب"، "الأصدقاء"، "أهالينا"، "البحث عن عبده"، "رأفت الهجان ج2"، "أرابيسك".

يذكر أن، شريف إدريس، كتب عبر حسابه على "فيسبوك" حول قرار إعتزاله الفن: "الأمور وصلت إني بقيت بشوف بعض الزملاء بيشحتوا الشغل علني علشان يشتغلوا لأن الشغل بقى متقسم على ناس معينة، فلو الأمور وصلت لكده أبعد أحسن، وحتي لما بيجي شغل بيتفرض عليك توافق بأقل الفلوس وتخرج من الشغل مديون، ومواقف مهينة زي إن شركة إنتاج تعرض عليك أجر هو قيمة ربع أجرك والسبب إنهم الميزانية مصروفة على الديكور، طب خلوا الديكور يمثل، هحكيلكم موقف حصل معايا من أسبوع، اتصل بيا حد قالي عايزين حضرتك بكره عندك تصوير في مسلسل كذا بس هتدفع عشرة في الميه للكاستينج دايريكتور، كان هيجيلي جلطة بعد ما قفلت المكالمة ووافقت علشان أنا محتاج أشتغل ومحتاج فلوس".

وأضاف: "ماقدرتش أستوعب الفكرة بصراحة إني بعد العمر ده مضطر أدفع علشان اشتغل فاتصلت واعتذرت، وده الحال حاليا إن الأمور بقت في إيد كاستينج دايريكتور، وده موقف من مواقف كتير مريت بيها لو حكيتها محتاجة كتاب مش بوست على الفيس، فطالما الشغل بقي لازم يتدفعله، وطالما الشغل بقى بالشحاتة، يبقي بلاش أحسن.. أنا طول عمري راضي الحمد لله، بس حقيقي أنا وصلت لمرحلة اكتئاب وصلتني إني بقيت بنام أحلم بكابوس إني بقتل عيالي وبقتل نفسي لأني وصلت لمرحلة نفسية ومادية إني بقيت مش قادر أربيهم ولا أصرف عليهم وأنا عندي تلات أطفال بعبدهم عبادة متخيلين حجم المسؤلية، وبقيت مديون لطوب الأرض".

واختتم حديثه قائلا: "حقيقي لو حد عنده فرصة سفر ليا هاكون شاكر ليه جداً وهيكون جميل في رقبتي لحد ما أموت لأن حقيقي أنا مش قادر أعيش في البلد دي تاني، أنا حاولت أسعى في أي مجال تاني بس ماقدرتش، وحقيقي لو اتعرض عليا بطولات بعد البوست ده هرفضها لأن البوست ده هو نهاية علاقتي بالمجال اللي اتربيت فيه ودرسته وعشت فيه كل تفاصيل حياتي والحمد لله علي كل شيء .. همسح أبلكيشن فيسبوك من تليفوني لأني هنزل أبيع تليفوني أصلا، فأنا هكون متاح أونلاين لحد بالليل، لو حد عنده فرصة شغل وسفر ليا ومش معاه رقمي ياريت يجيبه من أي حد، أنا مش محتاج طبطبة من حد أنا محتاج فرصة سفر وشغل تخليني أعيش ولادي حياة كريمة وبس، شكرا ليكم محبتي للجميع، هاين عليا أقوم أرمي نفسي من البلكونة بعد ماوصلت إني اكتب البوست ده".