هل طلبت ليلى مراد انفصال نجلها زكي فطين عبدالوهاب عن زوجته سعاد حسني؟

كتبت- منال الجيوشي:

رحل عن عالمنا منذ قليل، الفنان زكي فطين عبدالوهاب، عن عمر يناهز 61 عاما، بعد صراع مع مرض السرطان.

"زكي" تزوج سندريلا الشاشة العربية سعاد حسني، أثناء دراسته بالسنة الثانية بالمعهد العالي للسينما.

وقال الفنان الراحل في لقاء مع الإعلامية منى الشاذلي ببرنامج "معكم": "كنت بدرس في سنة تانية في المعهد، وبتدرب إخراج في فيلم أهل القمة بطولة سعاد حسني".

وتابع: "مخرج الفيلم علي بدرخان كان وقتها انفصل عن سعاد، وحبينا بعض، أمي كانت بتعشق سعاد حسني، ولما غنت كان عندها رأي إن صوت سعاد مش قوي، لكن أدائها شديد الحساسية".

وأضافت: "أمي لما عرفت اتخضت، وماكنتش موافقة، بس هي ماتدخلتش إنها تقولي اتجوز أو متتجوزش، لكن كانت بتقولي دايما من يوم ما خلفتك وإنت عاملي مشاكل".

واستكمل: "أنا قلت لماما أنا فيه بيني وبين سعاد حسني قصة حب، قالتلي إنت اتعرفت عليها فين وإزاي، والموضوع وقتها كان كبير، هي كانت رافضة الجواز، لكن لحد مانفصلنا هي كانت بتحب سعاد وتقدرها".