ذبح فتاة المنصورة.. هل كانت أغنية "علشان تبقي تقولي لاء" السبب؟- طارق الشناوي يجيب

كتب-مصطفى حمزة:

أثارت جريمة طعن طالب بكلية الآداب بجامعة المنصورة، زميلته بسكين وذبحها، حالة غضب واسعة، ومع تصاعدها عاد الحديث عن الجدل الذي صاحب أغنية "سالمونيلا"-"علشان تبقي تقولي لاء"، التي طرحها تميم يونس عام 2020، قبل أن يقوم بحذفها بعد اتهامه بالتحريض على التحرش والعنف ضد المرأة.

رواد صفحات موقع فيسبوك، تفاعلوا مع جريمة المنصورة، وقاموا بتداول منشورا، جاء فيه ،:"حابه أفكركم بأغنية اسمها "سالمونيلا" كان موضوعها ولد بنت بتقوله لاء، ف يهددها، ويتوعدها، ولما قلنا الهزار في الحاجات دي مينفعش، كان بيتقال لنا بطلوا بوليتيكال كوريكتنس، انتوا دمكم تقيل ليه،احنا في مصر ثقافتنا ومجتمعنا جاهز للإيفيه دا طبعاً، مشاهدات بالعبيط، و تشتغل في الأفراح، ودي من أغبى الحاجات اللي شوفتها في حياتي، انك تشوف شباب وبنات كتير بيقولوا "عشان تبقي تقولي لاء" في صوت واحد، ويوم فرح، وتريند وصاحبها ميعتذرش لكن يكابر في الغباء "

وتابع المنشور،:" النهاردة ممكن نفتكر حاجة زي دي بالتحديد عشان مش بنشوفها كل يوم ونفهم ليه مينفعش الهزار في الحاجات دي".

الناقد الفني طارق الشناوي، في تصريح خاص لـ"مصراوي"، علق على الربط بين جريمة المنصورة، والأغنية، وقال :" مثل هذا النوع من الجرائم، هو نتيجة ثقافة موجودة بالفعل في المجتمع، ورسخها للآسف بعض رجال الدين، عن وجوب خضوع المرأة للرجل، والدونية التي تعامل بها، وأغنية (سالمونيلا)، من بين أعمال فنية رصدت وعبرت وطرحت ذلك".

وأضاف،:" ولكن لا يجب علينا تحميل عمل فني ما، المسئولية عن تلك الجرائم، هذه النظرة قاصرة تماما، الأزمة موجودة بالفعل في خلل ثقافة مجتمعنا، ومثال على ذلك قول أحد رجال الدين، أن خروج المرأة بدون الحجاب، وراء ارتكاب الجرائم ضد النساء".

اعتذار وحذف

تميم يونس، من جهته قام عام 2020، بحذف الأغنية، وأعلن ذلك في فيديو له عبر حسابه بموقع "انستجرام"، وقال، :"طالما اللي هعمله احتمال يقلل من أذية حد مفيش مشكلة يبقي دي المساهمة بتاعتي، وانا هشيل سالمونيلا وبعتذر للجمهور اللي حبها وكمان بعتذر لو أي حد حصله مشكلة بسببها".

View this post on Instagram

A post shared by Tameem Youness (@tameemyouness)