ريهام حجاج عن ذبح فتاة المنصورة: "ياريت مباحث الإنترنت تتحرك في اللي جاي"

كتبت- بهيرة فودة:

طالبت الفنانة ريهام حجاج مباحث الإنترنت بسرعة التحري في البلاغات المقدمة لديهم، بعد أن شاهدت لقاء والد نيرة، الذي قتلت على يد شاب أمام جامعة المنصورة، أمس.

وكتبت "ريهام" عبر حسابها الشخصي بموقع "فيسبوك": "أنا شفت لقاء الأب، حاجة تقطع القلب وتحزن، الراجل ناشد مباحث الإنترنت أكتر من مرة عشان الولد عمل أكونتات فيك (مزيفة) مسيئة للبنت".

وأضافت قائلة: "السؤال: ليه ما اتاخدش معاه إجراء؟، كان ممكن كل ده ماكنش حصل، أنا بناشد مباحث الأنترنت تاخد البلاغات اللي زي دي بجدية شديدة جدا لأن اللي يعمل كده أكيد إنسان مش طبيعي وعنده استعداد للجريمة".

وتابعت :" في سنة، بسنت ضحية الابتزاز، نيرة طالبة المنصورة، هايدي ضحية الصور المتفبركة، ربنا يرحم بناتنا ويا ريت مباحث الإنترنت تتحرك في اللي جاي".

وشهدت مدينة المنصورة، جريمة بشعة، أمس بعدما قام طالب بكلية الآداب بجامعة المنصورة بطعن زميلته بسكين وذبحها قبل أن يتمكن الأهالي من الإمساك به.