"وشه بقى لون التيشرت ومبيردش".. نادية مصطفى تكشف ما حدث لهاني شاكر بعد مؤتمر شاكوش

كتب – وائل توفيق:

كشفت الفنانة نادية مصطفى، عضو مجلس إدارة نقابة المهن الموسيقية، عن الحالة النفسية التي يمر بها الفنان هاني شاكر إثر تقديمه استقالته بسبب مشاجرة نشبت في مؤتمر اعتذار حسن شاكوش لشعبة الإيقاع.

وقالت نادية مصطفى في تصريحات خاصة لـ "مصراوي": "أثناء المشاجرة نادى الفنان هاني شاكر على سعيد الأرتيست: يا سعيد يا سعيد يا حج سعيد، وحاول يهدي المشكلة، لكن محدش سمع له، فقرر الانسحاب لأحسن الموقف يتطور أكتر من كده، ومشي، وأنا كنت منهارة ومندهشة، إنتوا بتعملوا كده ليه يا جماعة؟، ولقيت صحفية بتقولي: اخرجي يا مدام نادية لأحسن هيضربوا بعض، وطبعا مكانش ينفع ست تقف وسط رجالة يعني".

وأضافت: "خرجت من المكان، لقيت هاني شاكر، فقالي تعالي، فقلتله أنا هاجي معاك البيت، رحت معاه البيت قعدت حوالي ساعتين، ساعة منهم تقريبا وأنا عمالة بتكلم وهو بيهزلي في راسه بس، ووشه كان لون التيشرت اللي هو لابسة، وكان شكله يعني ما يعلم بيه إلا ربنا، الله يكون في عونه، اللي حصل كان أكبر من طاقته، معرفش يستوعبه، وهو لحد دلوقتي مش مستوعب، وهو كان بيعمل خير، وأنا قولتله، نيتك كانت خير، لم شمل الأسرة الفنية تحت مظلة نقابة المهن الموسيقية".

وشهدت نقابة المهن الموسيقية، خلال الأيام الماضية، حالة من الغضب منذ الإعلان عن إعادة منح مطرب المهرجانات حسن شاكوش، التصريح السنوي بالغناء، ووصل الأمر إلى دعوة بعض أعضاء الجمعية العمومية، لفرض الحراسة على النقابة، وهو ما جعل النقيب هاني شاكر يقيم مؤتمرا صحفيا للصلح بين شاكوش وأعضاء شعبة عازفي الإيقاع للاعتذار أمام الجميع، ولكن وقعت مشادات كلامية خلال المؤتمر أدت إلى إعلان النقيب هاني شاكر استقالته من منصبه.

اقرأ أيضا: نادية مصطفى: سعيد أرتيست مستعد يبوس فوق راس هاني شاكر عشان يرجع في استقالته